3 Yoihe tu paka matumo mu tunwa to tukambe ci tu tu yuvere, twaa twethsa ku thsiurura erama yato yoihe. 4 Karo mu anekere okuru o dingunde, shaanga ci dyaa endithsiwa ku mupepo oukuru, dyaa thsiururiwanga ku kapepe kokaonye pohuma no ku twariwa kokuhe oku a na foto muvui. 5 Mofoci kengeyo no rudimi, kapo kokaonye perama yo munu, unone rwaa cishangara mwinu yoikuru. Karo mu anekere dikuruthsitu dyo ku twethsa ku tumekiwa ku kadiroana pohuma! 6 Rudimi naro rwaa cipitura eci mudiro, kaye komango perama yo munu. Rwaa twethsa kwipithsa erama yoihe, ku tumeka mwoyo o munu ouhe, aro no ku ka tumekiwa ku dihere.
7 Munu aa twethsa kwiethza, karo weethzapo mishovo thzothzihe thzekondwama, enyunyi, eharawi no yumbiwa yo mu meyu. 8 Unone kwithsa oyu weethza rudimi, inene ka rwa cihenga, karo rumango ru na yara ohungu o kwipaa.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)