1 Olwimbo lw’Enyimbo. Lwa Salomoni.

Omuhya

2 Ayishe anûnugurhe n’ehinûnugurho hy’akanwa kâge.

Okusîmwa nâwe kwo kununu ah’idivayi.

3 Amavurha ocîshizire alà nka gahumula bwinjà!

izîno lyâwe ciru lyône, mavurha gadubuka,

co cirhuma abanyere bakusîma*1, 3 Omuhya: Israheli yeri muhya wa Nyamuzinda: naye Nyamuzinda yêne ye Muhya-Mulume..

4 «Onkeme nkushimbe, rhukanye!

Mwâmi ampesire omu mwâge;

We wâbà busîme na bushagaluke bwîrhu.

Okusîmwa nâwe kwarhulalusa kulusha idivayi*1, 4 Abanyere go mashanja. Arhali Israheli yêne walolakwo Nyamuzinda obucire. Agandi mashanja goshi nago ye Muciza wago. -Nyamuzinda ye Mwâmi w’oluhaga lwâge. -Omu ka-Nyamuzinda k’e Yeruzalemu. -Banaderha mpu omuntu anayigurhe obusîme. Omu Mwandiko Mutagatîfu namwo banaderhe mpu obusîme bunalaluse nka mamvu.;

Bayazize abakusîma».

Omuhya

5 Ndi mwîru ci ndi mwinjà*1, 5 Ndi mwîru ci ndi mwinjà: -Israheli arhahezagya obwinjà bwâge ciru akabà ali omu bujà e Babiloni. -Kedari na Shalma, bishagala by’e Buharâbu. Amahêma g’abagendagenda omu irungu (babedwini), gabà gajizirwe n’empù z’empene ganabà mîru., wâni mwe banyere b’e Yeruzalemu,

kwo ndi aka amahêma g’e Kedari, aka ebihando by’e Shalma.

6 Murhalolaga omubiri gwâni mwîru, izûba eryo lyambabaga?

Bagala ba nyâmà*1, 6 Bagala ba nyâmà: Ngabo ya Bakaldeyi ba Nabukondonozori: bo bàshâbaga Yeruzalemu. Abakaldeyi bali bene wâbo Israheli bulya Abrahamu àli w’e Huri emwa Abakaldeyi (Murh 11, 28.31). -Bujà bw’e Babiloni. -Israheli oyo obujà bwakulaga aha mwâge, bwamuheka emwa bene. abâla bandubiraga, banjira mulanzi wa mizâbîbu.

Elyani ishwa ly’emizâbîbu ntalilangaga!

7 Mbwîraga mâshi Muzigirwa w’omurhima gwâni:

ngahi wayâbulira obusò?

Ngahi waziyahula hano zirhenga omu izîko?

Lyo ntagija nageragera nka cirala

emunda amasò*1, 7 -Muzigirwa w’omurhima gwâni, nk’omuhya ye waderha -Nyamubâho ye Lungere wa Israheli. -Agandi masô, go gandi mashanja. g’abinyu gayabukire.

Abimbiza

8 Akabà orhamanyiri wâni namwinja w’abakazi boshi*1, 8 Israheli, ishanja lîshogwa. Namwinja w’abakazi boshi ye Israheli, ishanja lîshogwa.,

okulikire enshando z’obusò

onayabulire abâna-hene bâwe

entambi z’ebwa bigala by’abangere.

Omuhya-mulume

9 Wâni Musimwa wâni,

namâkushushanya na kahesi wâni

bashwekire oku ngâlè ya Faraoni mwâmi w’e Mîsiri!*1, 9 Obujà bw’e Babiloni bushushine na bulya bw’e Mîsiri.

10 Amarhama gâwe nka gayinjiha

aha karhî k’ebisikiyo,

alà ehigosi ogwêrhe omu karhî k’amagerha.

11 Bisikiyo bya masholo*1, 11 Okuyambikwa ebisikiyo bihyâhya kuli kuyêrekwa oburhonyi: akolaga aleka ebi ali agwêrhe amango ali mujà, ayambale ebihyâhya. Rhulole muli Luk 15, 22. rhwakulongeza

n’olugole lw’amarhale.

Bône na nnene: omuhya n’omuhya-mulume

12 Oku nnakuno ali omu côgo câge,

n’obukù bwâni bwayuduka.

13 Omuzigirwa wâni hiri hirhù hya bukù,

hidekerire aha karhî k’amabêre gombi.

14 Omuzigirwa ali cihadu ca mukû

omu ishwa ly’emizâbîbu y’e En-Gadi*1, 14 Olwo lugo kwo luderhwa buno mpu ye «Ain Djidi», omu iderha ly’Abaharâbu, ebwa Nyanja y’Omunyu. -Obusò n’abâna-hene, gwo muzinzi gw’abajà erhi aharhenga bujà. -Ntondo ya Siyoni yo abâmi b’Israheli bayûbakagakwo..

15 -Alà nka wayinjiha, Muzigirwa wâni, alà nka wayinjiha!

Amasù gâwe ziri ngûkù

16 -Nka wayinjiha Muzigirwa wâni,

nka wanuna wâni! Encingo*1, 16 Encingo, co cihugo ca Palestina-Israheli, cihugo cigishe, cirya ciyêramwo ngasi hyasi na ngasi lushogo. yîrhu ishamba.

17 -Emitungo y’enyumpa yîrhu eri ya nduluma

n’oburhungiri buli bwa nsindani.