14 Dayɔlɔ ze dila koli ku, dayi ku mï dïdï, dayɔlɔ ze here, ga kö’du do’dɔ ze lɔvɔ öndu ze 'e ëmï ze ëtï. Vïdï mati o’dɔ lɔvɔ dë gba hu kyigɔ 'ba koli.
16 Nenye dayɔlɔ hala lɔvɔ ëdï, Korisitɔ ï’dï dïdï nï kö’du ze. Ze kpa zi dïdï ze kï’dï kö’du öndu ze 'e ëmï ze ëtï. 17 Vïdï mati zë wa aba kyɔ, ongɔ öndu mandere ëmï mati omba wa maako, isi di’di nnï kazi zë, ɔ’bɔ dë zi kiyannï henye, no’dɔnnï lɔvɔ Wïrï. 18 Gisi ama’e, lɔvɔ 'beze anza dë nje me’do kiya, mëdï lɔvɔ ma tïnyö, mati ayada rë nï mï lɔ’ɔ ko’dɔ.