João 11

21 Marita iya zi Yësu henye, "Yere, ëzë yï ëdï kinye, öndu ma oli dë. 22 Gbï le yaanya aba ne ma yɔlɔ ku henye Wïrï ako’dɔ wa mati ako’jo."

23 Yësu ayada zi mo iya henye, "Öndu yï akadïdï löhu." 24 Marita aya’ba dɔ mo iya henye, "Ma yɔlɔ ku mo atënyï na dïdï mï ndundu ko’do aba, ëzë biya yöku ënyï ku." 25 Yësu iya zi Marita henye, "Ma ra vïdï mati ëdï yöku kïnjë zi dïdï. Vïdï biya mati omannï mï ma akadïdïnnï, ëzë olinnï le. 26 Ehe vïdï biya mati alimannï ga kö’du 'ba koma mï ma tïnyö akolinnï dë. Oma nenye ku?"

27 Mo alëzë iya henye, "Ɔɔ Yere, moma yï Korisitɔ ra, Wisi 'ba Wïrï. Yï ra vïdï mati da sösu kö’du mo atayi mï damöku ne."