Yësu akaka burutu 'ba vo lö’bö 'bënïyë
1 Gba ta komo karama 'ba laga 'ba koli, Yësu ayɔlɔ henye kadra ne ɔkɔ ku kö’du nï zi kila damöku nenye ehe zi ta’ba zi 'Bu. 'Duwï mo ɔwɔ vo lö’bö 'bënïyë mï damöku nenye, ehe mo ɔwɔ zë le mï ndundu.
2 Gba kazi biyeto 'ba wakonyo 'ba hutaga, Satani o’dɔ Yudasi, wisi 'ba Simona Sikereto, omba zi Yësu susu. 3 Yësu ayɔlɔ nayi kazi Wïrï ehe na tï’bë hulëhu zi Wïrï. Mo ayɔlɔ kpa henye, 'Bu ï’dï kyigɔ ku biya zi nï. 4 Here kadra 'ba wakonyo aba Yësu ënyï rïyë, mo otɔ bɔngɔ 'ba rë nï ma ta yaga, ehe olo bɔngɔrateli toko bi kɔ’di kida 'ba gë nï. 5 Mo ï’dï wini mï sikɔ kyedre. Here mo ayeto burutu vo lö’bö 'bënïyë kaka ehe kyïtru zë bɔngɔrateli mati mo usu ne aba.