13 Here kya vïdï maako’e ikannï gisisiye zi Yësu, ga kö’du zi mo kala nï kï’dï dë zë, mora vo lö’bö’e amonnï vïdï ne ëtï. 14 Mati Yësu ayɔlɔ kö’du nenye, mo na kamo ehe iya zi vo lö’bö 'bënïye henye, "Ila’e gisisiye 'bayinnï zi ma, ayata’e zë dë, ga kö’du damöku 'ba Wïrï ne ëdï kö’du zë kaa ma nenye’e. 15 Miya zi ye henye, mo mati ïrï damöku 'ba Wïrï dë kaa wisi tisi, ödu dë mï mo." 16 Here mo ïrï gisisiye hu förö nï, ï’dï kala nï dë zë, ehe ï’dï ya’da zi zë.
Kora vo wakayo
(Mt. 19:16-30; Lk. 18:18-30)