31 Here ma 'ba Yësu öndu mo ëtï ɔkɔnnï. Zë ɔrɔnnï 'de yaga ta ra loko, utunnï kö’du kise kö’du ko’jo ga kö’du mo. 32 Vïdï mati ëdïnnï alima kpo ta ra Yësu, iyannï zi mo henye, "Ongɔ te, ma yï, öndu yïye ëtï ëdïnnï yaga, zë ombannï yï." 33 Yësu aya’ba da me’do zi zë, iya henye, "Ëyï 'bënï ma ma? Ëyïye 'bënnï öndu ma’e?" 34 Mo ongɔ bi da vïdï mati ëdï alimannï kpo ta ra nï, iya henye, "Ongɔ’e te, kinye ne ma ma öndu ma’e ëtï. 35 Vïdï mati o’dɔ wa mati Wïrï omba zi mo ko’dɔ ne, mo öndu ma, ëmï ma, ehe ma ma."