25 Here mbara maako ëdï ani, na riti ga kö’du yama ëdï taho ta rɔ mo kazi tɔrɔ kɔɔ 'butë dɔmorïyö. 26 Dakatörö kayo ëdïnnï le ɔwɔ kï’dï zi mo. Mo ayaŋa kɔhi 'bënï biya, mora here ne zi ta’ba na laka anza dë, ëdï wënï zɔ rë nï kidra dagba ta ga kadra biya. 27 Mo owo kö’du Yësu, ënyï ayi kafo mo mï kutë vïdï kayo ne. 28 Mo iya na bi dënï henye, "Ëzë mise gbï le nje bɔngɔ rɔ mo ne, matëdï na laka." 29 Mo ongɔ here ise bɔngɔ rɔ mo ne, kandi yama ɔrɔ, mo ayɔlɔ ku mï ida rë nï henye, na kɔ’jɔ rë nï ku tëmï riti kyedre 'bënï ne.