22 Mati zë ɔkɔnnï mï Beteseyida, vïdï maako’e ikannï kora vo komoköndu maako zi Yësu, alenzennï mo zi rɔ mo kise. 23 Yësu ïrï kala kora vo komoköndu ne, akɔkɔ mo, yaga tëmï liŋɔ. Tapëtï mati o’bi oro komo mo ne, Yësu ï’dï kala nï dɔ mo, ako’jo hɔ mo, "Atɔ’bɔ waako kongɔ?" 24 Here kora ne ongɔ bi rïyë, iya henye, "Ɔɔ, mɔ’bɔ vïdï kongɔ, mora zë alayannï kaa kaga ra ëdïnnï alasi." 25 Yësu ï’dï kala nï kpa löhu da komo kora ne. Here kora ne obe komo nï kyedre. Komo mo akɔ’jɔ rë nï, mo ɔ’bɔ gbɔ zi wasisi kongɔ biya na laka. 26 Yësu iya zi mo, "Ï’bë liŋɔ, ï’bë dë mï gawo."