20 Vïdï ma mï gawo ma Yësu o’dɔ kö’du ko’do kyedre ënï mï zë ne, 'de otɔ dë nnï dë tëmï kö’du kyënyë 'bënnï, here mo iya zë na kyënyë. 21 "Atëdï zi ye kyënyë Korɔzini! Atëdï zi ye kyënyë Beteseyida! Ëzë kö’du ko’do ma o’dɔ mï ye ne o’dɔ mï Tiyere, Sidoni aba kani vïdï nani usunnï bɔngɔ 'ba lubë ku rë nnï zi yada henye ere zë otɔnnï dë nnï ku tëmï kö’du kyënyë 'bënnï. 22 Ma yada zi ye henye, mï ko’do 'ba vurë aba, Wïrï akila vïdï 'ba Tiyere, Sidoni aba tada’e. 23 Yï Kaparanamo! Omba’e zi re 'e kïnjë komorïyë? Aku’du’e akaŋo mï wa’do 'ba gehena. Ëzë kö’du ko’do ma o’dɔ mï ye ne mo’dɔ mï Sɔdɔmo, atëdï zɔ kadra ndenye aba. 24 Akatɔ’bɔ yɔlɔ’e henye, mï ko’do 'ba vurë aba Wïrï rasösu ndra kö’du Sɔdɔmo tada’e!"