Mateus 13

Mala kö’du 'ba nyangölu

24 Yësu ayada mala ma kya mo zi zë. "Damöku 'ba Wïrï ëdï kaa henye. Kora maako ïlï kofo ma laka mï yaka ënï. 25 Yɔndɔ kölö maako aba, mati vïdï o’donnï ku biya vo wehe ayi ïlï kofo nyangölu mï kutë wana, mora ï’bë wënï 'de. 26 Mati wevo mo övu, mbili mo omba ku zi rë nï kï’dï. Nyangölu alaya gbɔ. 27 Vo kalima a kora ne ayi zi mo iya henye, ‘Kyedre, kofo laka ra ïlï mï yaka 'bëyï ne. Nyangölu ne ayi 'bënï ta kila?’ 28 Mo aya’ba da me’do zi mo, iya henye, ‘Ne vo wehe maako ra o’dɔ kö’du ne.’ Zë ako’jonnï hɔ mo iyannï henye, ‘Omba zi ze tï’bë nyangölu ne kotɔ mo 'de yaga?’ 29 Mo aya’ba da me’do, iya henye, ‘'E’e, ga kö’du ëzë atoto’e nyangölu ne akotɔ’e kya wana 'dö zë ëtï. 30 Ila’e wana 'dö nyangölu aba mövunnï bi kölö le kadra 'ba wakumu ta yaka aba. Ma kayada zi vo lɔɔ’e, zi nyangölu kotɔ dagba, hɔ mo kida na kulu zë ko’bɔ, mora da wana toto zi kï’dï mo mï lɔ’bi.’"