Mateus 13

Yësu ayada mï mala 'ba nyangölu

36 Mati Yësu ila vïdï kayo ödu loko, vo lö’bö 'bɔmowe ayinnï zi mo, iyannï henye, "Ayada dero zi ze mï mala 'ba nyangölu mï yaka ne a’di?" 37 Yësu aya’ba dɔ mo, iya henye, "Kora ma ïlï kofo ma laka ne Wisi a Vïdï. 38 Yaka damöku, kofo ma laka ne, mora vïdï ma 'bënnï 'ba damöku ne. Nyangölu ra vïdï ma 'bënnï 'ba Satani. 39 Vo wehe ma ïlï kofo ne mo ra Satani. Wa kumu ta yaka mora ndundu 'ba daliŋɔ, mora vo kumumo’e zë ra malayika’e."

40 "Here kaa ma nyangölu atoto dɔ mo o’bɔ mï wa’do, kö’du ne ako’dɔ rë nï here mï ndundu 'ba daliŋɔ aba. 41 Ëdï here, Wisi a Vïdï akutu yaga malayika ënïye, zi toto tëmï damöku ënï yaga, vïdï ma biya ëdïnnï vïdï kï’dï zi kö’du kyënyë ko’dɔ, biya agamo’e ma ëdïnnï kö’du kyënyë ko’dɔ. 42 Zë aku’dunnï zë mï wa’do, zë akudunnï hë nnï konyo aba. 43 Vïdï a Wïrï atanyinnï kaa kadra mï damöku a 'bu nnï, owo’e kö’du ne, ëzë ëdï 'e mbili aba."