14 Mati zë a’bannï zi vïdï kayo ne’e, kora maako ayi zi Yësu alɔdrɔ da womo nï aba akaŋo komo Yësu, 15 iya henye, "Yere, ï’dï mïyï mëyï ra wisi ama ne. Mo ëdï kɔɔ nökï aba na kyënyë, ëdï mo kumë kadra maako aba mï wa’do, mandere mï wini. 16 Mika mo zi vo lö’bö 'bëyïye, ɔ’bɔnnï dë mo kɔ’jɔ." 17 Yësu aya’ba dɔ mo, iya henye, "'E vïdï kazi koma kö’du kyënyë aba ne’e, omba 'e zi ma tëdï ëtï le ndala aba? Omba’e zi ma lima ëtï le ndala aba? Ika 'e wisi ne zi ma." 18 Yësu ï’dï kö’du zi dakyikyi ne, ënyï asi gbɔ yaga tara wisi ne, mï kadra nani akɔ’jɔ mo gbɔ.