6 "Ëzë vïdï maako o’dɔ wisi kölö tëmï gisisi nenye’e mo oma mï kö’du kyënyë ko’dɔ, ëdï na laka kö’du vïdï nani zi yïtö kyedre 'ba wakuhu kida gu mo, zi kuyï mo mï wulu ma yöndu ne. 7 Atëdï na riti zi vïdï 'ba damöku nenye, kö’du wa maako mati ëdï zi ko’dɔ zë zi kö’du kyënyë ko’dɔ. Wa ne ako’dɔ rë nnï 'duwï, atëdï na riti zi vïdï mati ï’dï zë zi rë nnï ko’dɔ ne. 8 Ëzë kala yï mandere ndï yï o’dɔ yï zi kö’du kyënyë ko’dɔ, ikye u’du 'de yaga. Ëdï na laka zi yï tödu mï dïdï kazi kala, mandere ndï ta da sesi kala 'dö rïyö, ndï kpa 'dö rïyö zi ku’du mï wa’do kazi tölu. 9 Ëzë komo yï o’dɔ yï zi kö’du kyënyë ko’dɔ, otɔ u’du 'de yaga. Ëdï na laka zi yï tödu mï dïdï komo aba nje kölö ta da sesi komo 'dö rïyö zi ku’du mï wa’do 'ba gehena."
Mala kö’du tölu 'ba tïmëlë
(Lk. 15:3-7)