12 Wïrï ayada zi zë tëmï wïrï, ma’bannï dekpe hulëhu ta da Heroda. Mora zë a’ba ï’bënnï gbɔ dakaŋo 'bënnï ta gërï mënzë maako.
Taho mï Ezipeto
13 Mati zë ï’bënnï ku, malayika 'ba Yere alaya zi mo tëmï wïrï iya henye, "Heroda omba zi wisi ne kofo. Ënyï oba wisi ne 'dö ma mo aba aho ï’bë Ezipeto. Alima ani le ma kiya zi yï a’ba."
Ta’ba mï Ezipeto
19 Tapëtï koli 'ba Heroda, malayika 'ba Yere alaya tëmï wïrï zi Yosepa mï Ezipeto iya zi mo henye, 20 "Ënyï, oba wisi ne ma mo aba, ï’bë hulëhu mï dakaŋo 'ba Yiserele, ga kö’du zë ma ï’dï rë nnï zi wisi ne kofo, olinnï ku."
22 Mora here, mati Yosepa owo Arakerosi ïrï pëtï 'bu nï Heroda ku na yere 'ba Yudiya, mo na tere zi tï’bë ani. Ayandi mo tëmï wïrï, here mo mï’bë gbɔ mï dakaŋo 'ba Galilaya.