Mateus 2

3 Mati Heroda owo kö’du ne here, mï mo ënyï umbë gbɔ mora vïdï 'ba Yerusalema maako’e mï zë umbë kpa. 4 Mora mo ako’jo vo da karasa’e 'dö vo komoyandi 'ba kö’du kida’e gbɔ ti’de mayinnï zi nï, mora mo ako’jo hë zë, mo iya henye, "Kɔdɔ here, Korisitɔ ne ako’jo kila?"

5 Zë aya’bannï da me’do iyannï henye, "Ako’jo Korisitɔ ne mï Beteleme mï dakaŋo 'ba Yudiya, ga kö’du nëbï maako ayöru kö’du ne ku kyere iya henye,

6 ‘Mï, Beteleme, mï dakaŋo 'ba Yudiya,

anza dë tisiwa aba mï yere’e 'ba Yuda ne.

Vïdï ma kyedre atasi ndö tëmï 'e

mora mo akagaga vïdï 'bama 'ba Yiserele.’"

7 Mora Heroda ako’jo vo kö’du yɔlɔ ne’e gbɔ liwo tayinnï zi nï mo ako’jo kadra 'ba tasi 'ba kyëlu nani kazi zë. 8 Mora mo utu zë gbɔ Beteleme kö’du kira nenye’e aba, "Ï’bë oma’e bi liya na laka kö’du wisi ne, ëzë i’ja’e mo ku ayi iya’e kö’du mo zi ma, tï’bë kpa mo yeto."