9 Mati zë owonnï me’do kiya 'ba Heroda ne ku zë ënyïnnï gbɔ tï’bë. Zë ongɔnnï te kyëlu ma zë ongɔnnï ta humïrë ne. Kyëlu ne alaga nduwë dagba zi zë le ï’bë ɔrɔ ga bi ma wisi Yësu ëdï dɔ mo ne. 10 Mati zë ongɔnnï ku here ne, zë gbɔ mï kyëyï kyedre aba. 11 Zë ödunnï gbɔ ï’bë i’jannï wisi ne ëdï loko ani 'dö ma mo aba. Mora zë alimannï gbɔ akaŋo zi mo yeto. Zë upönnï ha aŋboro 'bënnï ï’dïnnï wakï’dï 'bënnï gbɔ zi Yësu. Wakï’dï mora dahabo, wa kyëzï ngutru, ɔwɔ teme maako ako’jonnï ru mo "murë."

12 Wïrï ayada zi zë tëmï wïrï, ma’bannï dekpe hulëhu ta da Heroda. Mora zë a’ba ï’bënnï gbɔ dakaŋo 'bënnï ta gërï mënzë maako.