Mateus 20

Kö’du ko’jo 'ba ma Yemisi nnï Yowani aba

20 Here mbara 'ba Zebedeyo ayi gisi kora 'bënï aba rïyö zi Yësu, alɔdrɔ komo mo ako’jo hɔ mo ga kö’du ko’dɔ laka. 21 Yësu ako’jo hɔ mo iya henye, "A’di ra omba?" Mo aya’ba da me’do iya henye, "Korisitɔ zi ma gisi kora rïyö 'bama nenye’e akalimannï da kala yï ma tïrï ma gali aba mï damöku 'be."

22 Yësu aya’ba da me’do zi gisi kora ne’e, iya henye, "Ayɔlɔ’e wa mati ëdïye kö’du ko’jo gɔ mo ne dë. Atɔ’bɔ’e kïnjë riti mati momba zi kïnjë ne?" Zë aya’bannï da me’do iyannï henye, "Datɔ’bɔ ze." 23 Yësu ayada zi zë iya henye, "Tïnyö akïnjë’e riti 'bama ama, mora mɔ’bɔ dë kyigɔ aba zi kinzi vïdï mati akalima da kala ma ma tïrï ma gali aba. Bi nenye’e kö’du vïdï mati 'bu ma akɔ’jɔ zi zë."