Ndundu 'ba vurë
31 "Mati Wisi a Vïdï ayi mï bikanyi kyedre malayika ëtï, mo akalima da kyïtï, 32 vïdï 'ba damöku ne akatoto biya komo mo. Mo akinye mï zë mï gboko rïyö, kaa vo tïmëlë yako inye tïmëlë tara wanya here. 33 Mo akï’dï vïdï ma laka 'e da kala nï ma tïrï, ma kyënyë’e da kala nï ma gali."
34 "Yere akiya zi vïdï ma da kala nï ma tïrï ne henye, ‘'Ayiye, 'e mati 'bu ma ï’dï ya’da ku zi ye ne. Ayiye mï damöku mati akɔ’jɔ ku kyere zi ye, ko’dɔ 'ba dakaŋo aba.
40 Yere akaya’ba zi zë akiya henye, ‘Mayada zi ye, ëzë o’dɔ’e kö’du ne gbï le nje zi vïdï ma tisi kaa ma nenye’e ne, o’dɔ’e ku zi ma.’"
41 "Mo akiya zi zë ma da galinï ne, ‘Ï’bë’e 'de tara ma karani 'e mati mï wa sënë a Wïrï. Ï’bë’e 'de mï wa’do ma kazi ndundu, mati akɔ’jɔ ku zi Satani malayika 'bënï ëtï.
46 Vïdï kyënyë ne’e atï’bënnï mï wa’do ma ŋburu ŋburu riti aba, vïdï ma laka akatï’bë 'bënnï mï dïdï ma ŋburu ŋburu."