Mateus 3

Yowani Bapatisi

1 Mï kadra nani 'e Yowani Bapatisi ayi da lïpï 'ba Yudiya. Ayeto kö’du yëtï, 2 iya henye, "Otɔ’e de 'e tëmï kö’du kyënyë ko’dɔ 'be’e ga kö’du damöku 'ba Wïrï ëdï ku kara." 3 Yowani ra Yisaya nëbï 'ba Wïrï iya me’do ku kyere, ga kö’du mo iya henye,

"Here vïdï maako ëdï mbere mï da lïpï

iya henye, akɔ’jɔ 'e gërï zi Yere.

Adɔrɔ’e gërï mbïyï zi mo."

4 Bɔngɔ 'ba Yowani o’dɔ tëmï yövu 'ba jemele. Mo ida kɔ’di wana ra götö nï na gasi. Wakonyo 'bɔmo ra wömï yazi 'ba wɔrɔ aba. 5 Vïdï olɔ ï’bënnï zi mo mï Yerusalema, tëmï daliŋɔ 'ba Yudiya ti’de kpa tëmï liŋɔ ma kara kara ha ranga 'ba Yeredene ne. 6 Zë odrɔ hë nnï ga kö’du kyënyë 'bënnï mo a bapatisi zë gbɔ mï ranga 'ba Yeredene.