2 Ani kya 'ba vïdï maako’e ikannï zi mo kora vo keŋe akaŋo ne ëdï ako’do da sora. Mati Yësu ongɔ hala kö’du koma 'bëzë ëdï, mo iya zi kora keŋe ne henye, "Akyigɔ rë yï, wisi ama, kö’du kyënyë 'bëyï ila ku." 3 Mora here, kya 'ba vo komoyandi 'ba vo kö’du kida’e ame’donnï na bi dë nnï, iyannï henye, "Kora nenye, ëdï me’do 'dasi ra kiya." 4 Mora here, Yësu ayɔlɔ kö’du sösu 'bëzë, ne a’ba iya henye, "Kö’du a’di ëdï 'e kö’du kyënyë mahere ne sösu mo? 5 Mavala ra zi kiya, ila yï ku ga kö’du kɔdɔ kyënyë 'bëyï, kɔdɔ zi kiya henye, ‘Ënyï rïyë alasi?’ 6 Mako’dɔ tïnyö zi ye yɔlɔ, Wisi a Vïdï ëdï kyigɔ aba dakaŋo zi kö’du kyënyë kila." Mora here, mo iya zi kora keŋe ne henye, "Ënyï rïyë, ïnjë sora 'bëyï ne, ï’bë liŋɔ!" 7 Kora ne ënyï rïyë ï’bë gbɔ liŋɔ.