2 Öndu ma’e ëmï ma ëtï, ëdï 'e na rakyenyi ëzë kyïnë 'ba kö’du yɔnzɔ biya ayi le gërï 'be’e, 3 ga kö’du ayɔlɔ 'e koma 'be’e yɔnzɔ, atëdï nduwë zi ye. 4 Ayɔlɔ 'e nduwë 'be’e, ako’dɔ 'e ndɔ na kyigɔ.
22 O’ba’e re 'e dë nje mbiliye koze aba da me’do ɔmo. Ta gɔ mo, ï’dï 'e mï gɔ mo yɔnzɔ. 23 Vïdï mati oze mbili nï da me’do, mora ï’dï dë mï gɔ mo yɔnzɔ, ëdï kaa kora mati ongɔ bi mï ngana, ehe ongɔ rë nï kaa mati nëdï, 24 ehe ï’bë gbɔ 'de, kandi atölu tëmï mo wa mati mo ongɔ ne alaya kaa a’da. 25 Mora kora mati ongɔ bi kara mï kö’du kï’dï ma tïnyö, mati inga vïdï na da ngölö, ehe mo nduwë mbili nï koze gɔ mo, anza dë nje kowo mo mora kpa ko’dɔ mo, Wïrï akï’dï ya’da zi mo mï wa mati mo o’dɔ.