Tiago 4

13 Yaanya aba owɔ’e ha ma, 'e mati iya 'e henye, "Ndenye mandere mïndö aba datï’bë zi gawo kyedre maako, bi ma dakalima kɔɔ, tï’bë mï lɔ’ɔ maako, kɔhi ko’dɔ kyɔ." 14 Ayɔl ɔ’e dë, a’di ra ako’dɔ rë nï mïndö aba. 'E kaa kyëtu 'ba wa’do, mati alaya mï kadra tisi, ehe inde rë nï gbɔ. 15 Wa mati akiya 'e ëdï henye, "Ëzë Yere omba, dakalima ze da ko’dɔ nenye mandere nani." 16 Mora yaanya aba 'e na rakïsï, ame’do 'e na rakïsï. Rakïsï ne biya anza laka. 17 Here zë maako’e mati ayɔlɔnnï kö’du laka zi ko’dɔ, mora zë o’dɔnnï dë, zë o’dɔnnï kö’du kyënyë ku.