Eclesiastes 1

4 Mbandu mosi ke luta,

mbandu ya nkaka ke yingana.

Kasi yinza kele kaka mutindu yawu ke vwandaka.

5 Ntangu ke basikaka, ntangu ke dyamaka,

yawu ke vutukaka nswalu na kisika yina yawu ke basikilaka.

6 Mupepe ke kwendaka na sude, yawu ke balukaka na kukwenda na node.

Mupepe ke kwendaka baluka, baluka, baluka,

mpe yawu ke vutukilaka dyaka.

7 Mizumba nyonso ke kwendaka kubwa na mubu,

kasi mubu ke fulukaka ve.

Kisika yina mizumba ke kwendaka kubwa, kaka ni kisika yina mizumba yango ke kwendaka.