Isaías 43

1 Kasi na ntangu yayi, Yave yina yidikaka nge, nge Yakobi,

yandi yina salaka nge, nge Isayeli,

yandi ke na kutuba:

«Kutala boma ve,

samu ti mu me kuula nge.

Mu me bokila nge na nkumbu ya nge,

nge kele ya munu!

2 Kana nge sabuka maza,

mu ke vwanda na nge,

kana nge luta na banzadi,

yawu ke dyamisa nge ve,

kana nge tambula na tiya,

nge ke nyenga ve,

milaka ya tiya ke yoka nge ve.

3 Ya tsyelika, mu kele Yave Nzambi ya nge,

Nzambi ya Longo ya Isayeli, Muvuukisi ya nge.»

«Mu yekulaka Ngipiti samu na kufuta nkudulu ya nge,

mu yekulaka Kuse mpe Seba na kisika ya nge.