36 mutindu Dibuku ya Nzambi ke tubaka:

«Samu na nge, beto ke na kuzinga

konso kilumbu pene-pene na lufwa.

Beto me kuma mutindu mameme

yina ba ke na kunaka na kisika yina ba ke kufwaka bibulu✝8.36 Mga 44.23.»

37 Kasi na mambu nyonso yina, beto ke lutilaka na kununga na luve ya Nzambi yina ke zolaka beto. 38 Ee, mu ke na kivuvu ti ata dyambu lenda kukabula beto na luzolo ya yandi: lufwa, luzingu, bambazi, bampeve ya yimbi, mambu ya ntangu yayi to yina ke kwiza, bayina nyonso ke na lulendo, 39 balulendo ya mazulu mpe ya ntoto, to bima nyonso yina Nzambi yidikaka lenda kukabula beto ve na luzolo yina Nzambi lakisaka beto na Yesu-Klisto, Mfumu ya beto.