ቴስሎንቄ ዓሶም 1 4:13-18

ጎዳኮ ሙኪፆ ኬሎ''ና ማዓንዳ ባኮ

13 ታ ዒሾንሦ! ታ ሚሾንሦ! ዎዛባኣ ዓሶጉዲ ሓይቄ ዓሶ ዛሎ'' ዒንሢ ዖዩዋጉዲ፤ ሃሣ ዔያታ ዎይታንዳቴያ ጎኑሞ ዒንሢ ዔራንዳጉዲ ኑ ኮዓኔ። 14 ዬሱሴ ሓይቂ ሃይባ''ፓ ዔቄሢ ኑ ዔራኔ፤ ዬያሮ ኪሪስቶሴ ጉሙርቂ ዓኣዖ ሓይቄዞንሢ ኪሪስቶሴና ዎላ'' ፆኦሲ ዔኪ ሙካንዳኔ።

15 ጎዳ ጌዔ ጎይፆና ኑ ዒንሢም ሂዚ ጋዓኔ፦ ጎዳ ሙካንዳያ ሄላ''ንዳኣና ኑኡኒ ሃይቂባኣዖ ዓኣ ዓሳ ሃይቄ ዓሶ ኑ ቢራዓኬ። 16 ዼኤፒ ዓይሥሢ ዒላቲ'' ዑኡሲ፥ ፆኦሲ ኪኢታንቾ ሱኡጋሢ ዑኡሲና ፆኦሲ ዛዬያ ዋይዚንታንቴ ጎዳ ፔኤሮ ጫሪንጫፓ ኬዳ''ንዳኔ፤ ዒማ''ና ኪሪስቶሴ ጉሙርቂ ዓኣዖ ሃይቄዞንሢ ቤርታዺ ዔቃንዳኔ። 17 ዬካፓ ኑኡኒ፥ ሃይቂባኣዖ ዓኣ ዓሳ ጎዳ ዢባሮ ዑፆ ኬስኪ ሞኦኪ ዔካኒ ሻኣሮ ባኣኮ'' ሳዓፓ ኑ ዔውታንዳኔ፤ ዬያይዲ ፆኦሲና ዎላ'' ናንጊና ኑ ናንጋንዳኔ። ✝4፥17 1ቆሮ. 15፥51-52። 18 ዬያሮ ሃያ ቃኣሎ''ና ዎሊ ዶዲሹዋቴ።