ኪሪስቶሴ ጉሙርቁዋ ዓሶና ዎላ'' ፔቱሞ ላኣጊንቲፆ
14 ኪሪስቶሴ ጉሙርቁዋ ዓሶና ዎላ'' ኮይሱዋ ጎይሢና ፔቴ'' ማዒፖቴ፤ ፂሉ''ሞና ጎሜና ፔቴ'' ማዓኒ ዳንዳዓ? ፖዒና ዹሚና ዎላ'' ዎዲ'' ናንጋኒ ዳንዳዓይ? 15 ኪሪስቶሴና ዲያብሎሴና ዎይቲ ዎላ'' ጊኢጋኒ ዳንዳዓይ? ኪሪስቶሴ ጉሙርቃ ዓሲና ጉሙርቁዋ ዓሲና ዎይቲ ፔቴ'' ማዓኒ ዳንዳዓይ? 16 ፆኦሲኮ ጌኤዦ ማኣሮና ሜሌ'' ፆኦዞናኮ ዓይጎ ፔቱሞ ዓኣይ? ፆኦሲ፦
«ታ ናንጋ ማኣሮ፥ ታ ዴሮ'' ባኣካ'' ታ ማሃንዳኔ፤
ዔያቶና ዎላ'' ታ ናንጋንዳኔ፤
ታ ዔያቶኮ ፆኦዛሢ ማዓንዳኔ፤
ዔያታኣ ታ ዴሬ ማዓንዳኔ» 6፥16 ሌዊ. ዓኬ 26፥12፤ ሂዚ. 37፥27፤ 1ቆሮ. 3፥16፤ 6፥19።
ጌዔሢጉዲ ኑኡኒ ባይቁዋ ፆኦዛሢም ዱማዼ ማኣሪኬ። 17 ሓሣ ፆኦሲ ኬኤዛዖ፦
«ዔያቶ ባኣካ''ፓ ዱማዺ ኬስኩዋቴ፥
ዒኢቴ ባኮ ካኣሚፖቴ፤
ታኣኒያ ዒንሢ ታ ዓሲ ማሃንዳኔ፤ 6፥17 ዒሲ. 52፥11።