ፆኦሲ ማዾ''ም ዳኪንቴዞንሢኮ ማዾ'' 2

17 ‹ፆኦሲ ጋፒንፆ ኬሎ''ና ሓኣዺ ማዓንዳኔ ጋዓኔ፦

ታኣኮ ዓያኖ ታኣኒ ቢያ ዓሲ ዑስካ ላኣላንዳኔ፤

ዒንሢኮ ዓቲንቆና ዉዱሮ ናኣቶ''ና ፆኦሲ ማሊሢ ኬኤዛንዳኔ፤

ዼጌሢያ ሓሣ ፆኦሲ ፔጋሲ ዻዋ ባኣዚ'' ዛጋንዳኔ፤

ጋርቾ ዓሳኣ ዓውቲ ዓውታዻንዳኔ። ✝2፥17 ዒዩ. 2፥28-32።

18 ዬያጉዲ ዬኖ ዎዶ''ና

ዓቲንቆና ላኣሎና ማዒ ታኣም ማዻ ዓሶ ዑፃ

ዓያኖ ታኣኮ ታ ላኣላንዳኔ፤

ዔያታኣ ፆኦሲ ማሊሢ ኬኤዛንዳኔ።

19 ሌካ ጫሪንጮይዳ ዲቃሢ ሄርሺሳ ባኣዚ''

ሊካ ሳዖይዳ ታ ዎልቄና ማዺንታ ዓኪ ባኣዚ'' ታ ዻዋንዳኔ፤

ሱጉሢና ታሚና ሓሣ ጩቢ ሊኢሎጉዲ ላሂ ጴዻንዳኔ።

20 ዼኤፒ ሃሣ ሚርጌና ቦንቺንታያ ማዔ

ጎዳኮ ሙኮ ኬላ'' ሄላ''ንዳሢኮ ቤርታ

ዓባ'' ዹማንዳኔ፤

ዓጊናኣ ሓሣ ሱጉሢ ማላንዳኔ።

21 ጎዳ ማኣዶ''ም ጌዒ ዔኤላ'' ዓሲ ቢያ ዻቃንዳኔ› »

ሂዚ ጌዔሢ ኩማንዳጉዲኬ።