1 ታ ዒሾንሦ! ታ ሚሾንሦ! ዓሲ ዓይጎ ባኣዚ'' ዻቤቴያ ዒንሢ፥ ዓያናና ማዔ ዓሳ ዬያጉዴ ዓሶ ሼሌዑሞና ጊኢጊሹዋቴ፤ ጋዓንቴ ኔና ዬይ ዻቢሹዋጉዲ ኔና ዔሬ። 2 ዎሊ ሴካና ሃንጋና ማኣዲ'' ማኣዲ'' ፔቴ''ይ ባጋሢኮ ዴኤፆ ባሶ'' ባሶ''ንጎ፤ ዬያይዲ ኪሪስቶሴ ዓይሤ ዎጎ ዒንሢ ኩንሣያ ማዓንዳኔ።* 3 ዖናታቴያ ሓንጎዋቶይዳፓ ዱማዻ ባኣዚ'' ባኣያታንቴ፦ «ታኣኒ ሓንጎ ዓሶፓ ባሼኬ» ጌይ ማላቶ ፔና ጌሻኔ። 4 ፔቴ'' ፔቴ'' ዓሳ ፔ ማዾ'' ዛጊ ዔሮንጎ፤ ዬካፓ ፔኤሲ'' ሓንጎዋቶሲና ዎላ'' ሄካሲፆ ሃሺ'' ፔ ማዾ''ና ሌሊ ሄርሺንታንዳ ባኣዚ'' ዴንቃንዳኔ። 5 ዓይጎሮ ጌዔቴ ፔቴ'' ፔቴ''ሢ ፔ ኬዶ'' ኬዳንዳያ ኮይሳሢሮኬ።

6 ፆኦሲ ቃኣሎ'' ዔሪፆይዳ ዓኣሢ ዔርዛሢና ዎላ'' ኮሺ ማዔ ባኮ ዞርቲ ዔካያ ማዖንጎ።

7 ዒንሢ ዒ’ንሢ ጌሺፖቴ፤ ፆኦሲ ዓማሊ''ንታያቱዋሴ። ዓሲ ፔ ማዾ''ማ ዔካኔ። 8 ፔ ሱኡኮ ማሊፆ ባኮ ማዻ ዓሲ ፔ ሱኡኮ ማሊፆይዳፓ ሓይቢ ዴንቃንዳኔ፤ ዓያና ዎዛሳኒ ማዻ ዓሢ ዓያናይዳፓ ናንጊና ናንጊ ዴንቃንዳኔ። 9 ኑ ማዾ'' ሃሺ''ባኣቶ ኮይሳ ዎዶ''ማና ኑ ማዼሢኮ ዓኣፖ ኑ ዔካንዳሢሮ ኮሺ ማዾ ማዺሢ ኑ ቤልፃዺባኣቴ ቃራኬ። 10 ኑ ማዻንዳ ዎዴ ዴንቄቴ ዓሲም ቢያ ሃሣ ባሼና ኪሪስቶሴ ጉሙርቃ ዓሶም ኮሺ ማዾ ኑ ማዾም።

11 ሓያ ዎማይዲ ታ ኩቻ ዓንዲርሲ ታ ዒንሢም ፃኣፔቴ ሂንዳ ዛጉዋቴ፤ 12 ዒንሢ ዓቲንቶ ቤርቶ ቲቂንታንዳጉዲ ዎልቄና ዓይሣዞንሢ ዙልካ ጴዻ ባኣዚ''ና ሄርሺንታዞንሢኬ፤ ዬያ ዔያታ ማዻሢ' ኪሪስቶሴኮ ሓይቦ''ና ሜታሢ ዛሎ'' ኬኤዛያ ማዔቴ ዳውሲንታንዳሢሮኬ። 13 ዔያታ ዒንሢ ዓቲንቶ ቤርቶ ቲቂሾና ሄርሺንታኒ ማዓንዳኣፓዓቴም ዔያታ ቲቂንቴ ዓሳ ፔ ቶኦኪና ዎጋ'' ዓይሣ ጎይፆ ኩንሣያቱዋሴ። 14 ታኣኒ ዓጮ''ኮ ፑርቶ ማዻ''ፓ ዱማዺ፥ ዓጮ''ኮ ፑርቶ ማዻ'' ታጊዳፓ ዱማዺ ኪሪስቶሴና ዎላ'' ሓይቄ ሓይቦ''ይዳፓ ዓታዛ ሜሌ'' ታ ሄርሺንታ ባኣዚ'' ባኣሴ። 15 ዓቲንቴ ቤርቲ ቲቂንቴቴያ ሓሼ''ቴያ ማኣዳ'' ባኣዚ'' ባኣሴ፤ ማኣዳ''ሢ ዓኪ ማዢንቲ ማዒሢኬ። 16 ሓኖ' ዓይሢፆ ጎይፆ ዓኣዻ ፆኦሲ ዴሮ''ም ቢያ ኮሹሞና ማኣሪሢና ማዖንጎ።

17 ታኣኮ ዑፆይዳ ዓኣ ጳዺንቶ ዲኢዳ፡ ዬሱስ ኪሪስቶሴኮ ታ ዓይሌ'' ማዔሢ ዔርዛያታሢሮ ሓይፓ ሴካ ዖኦኒያ ታና ሜታሶፓ።

18 ታ ዒሾንሦ! ታ ሚሾንሦ! ኑ ጎዳሢ ዬሱስ ኪሪስቶሴኮ ኮሹሞ ዒንጊፃ ዒንሢ ዓያኖና ዎላ'' ማዖም፤ ዓኣሜን።