Hebreus 8

6 ሃሢ ጋዓንቴ ዬሱሴ ፆኦሲና ዓሲናኮ ባኣካ'' ማዔ፥ ጫኣቁማ ቤርታኣስካፓ ባሼ ማዔሢጉዲ ዒ ሃሢ ማዻ ማዻ''ኣ ዔያቶ ማዾ''ይዳፓ ባሼኬ፤ ዬይ ዓርቂንቲ ማዺንታሢ ሚርጌና ኮሺ ማዔ፥ ዒንጊንቴ ሃጊ ማዓንዳ ዎዞ'' ቃኣሎ''ናኬ።

7 ዎንዳኣ ጫኣቁሞይዳ ፔቴ''ታዖ ፓጬ ባኣዚ'' ባኣያ ማዔያታቴ ላምዓሳ ጫኣቁማ ሃሢ ኮይሲንዱዋያታንቴኬ። 8 ዓይጎሮ ጌዔቴ ፆኦሲ፡ ዴሮ''ይዳ ፓጬ ባኣዚ'' ዓኣሢ ዴንቄሢሮ፥

«ዓካሪ ታኣኒ ዒስራዔኤሌ ዴሮ''ና ዪሁዳ ዴሮ''ና ዎላ''

ዓኪ ጫኣቁሞ ጫኣቃንዳ ዎዴ ሙካንዳኔ፤ ጌዔኔ። ✝8፥8 ዔር. 31፥31-34።

9 ዬይ ጫኣቁማ ዔያቶ ታ ጊብፄይዳፓ

ኩጮ ዔያቶኮ ዓርቂ ኬሴ'' ዎዶ''ና

ዔያቶኮ ዓዶንሢና ዎላ'' ታ ጫኣቄ ጫኣቁሞጉዲቱዋሴ፤

ዓይጎሮ ጌዔቴ ዔያታ ታኣኒ ጫኣቄ ጫኣቁሞ ዶዲ ካፒባኣሢሮ

ታ ዔያቶ ቶኦዛዺ፥ ዙሌ'' ዔያቶም ጌሤኔ።

10 ዓካሪ ሃካፓ ሴካ ዒስራዔኤሌ ዴሮ''ና ዎላ''

ታ ጫኣቃንዳ ጫኣቁማ ያዺኬ፤ ጋዓኔ ጎዳ።

ታኣኒ ታ ዎጎ ዔያቶ ዒና'' ጌሣንዳኔ፤

ዔያቶኮ ማሊፆይዳ ታ ፃኣፓንዳኔ፤

ታ ዔያቶኮ ፆኦዛሢያ ማዓንዳኔ፤

ዔያታ ታ ዴሬ ማዓንዳኔ።

11 ‹ፆኦሲ ዔሬ› ጌዒ ፔ ዓጪ ዓሲም ማዖም

ፔ ጌርሲምታቴያ ዔርዛንዳይ ባኣሴ፤

ዓይጎሮ ጌዔቴ ዻኮ'' ዓሶ ጌይንታስካፓ ዴንዲ ዼኤፖ ሄላ''ንዳኣና

ቢያሢ ታና ዔራንዳኔ።

12 ዔያቶኮ ዻቢንቶ ታ ዓቶም ጋዓንዳኔ፤

ጎሞዋ ዔያቶኮ ሃካፓ ሴካ ታ ዋላ''ንዳኔ» ጎዳ ጋዓኔ።

13 ዓካሪ፦ «ዓኪ ጫኣቁሞ» ጌይፆና ቤርታኣ ጫኣቁሞ ጪንቄያ ማሄኔ ጌይሢኬ፤ ዬያሮ ማዺ ጪንቄ ባካ ቢያ ባይቃንዳ ዎዳ'' ዑኬኔ።