Lucas 10

ዓሲ ሚጪንታ ፔቴ'' ሳማሪያ ዓጪ ዓሲስኬያ ዛላ

25 ፔቴ'' ኬሊ'' ሙሴ ዔርዜ ዎጎ ዔርዛ ፔቴ'' ዓሲስኬይ ዬሱሴ ኮራ ሙካዖ ዒ ዎዚ ጋዓቴያ ዛጋኒ ኮዒ፦ «ዔርዛሢዮ! ናንጊና ናንጊ ዴንቃኒ ዓይጌንዴ ማዻንዳያ ታና ኮይሳይ?» ጌይ ዒዛ ዖኦጫዛ፥ ✝10፥25 ማቲ. 22፥35-40፤ ማር. 12፥28-34። 26 ዬሱሴ ማሃዖ፦ «ሙሴ ዔርዜ ዎጎይዳ ዓይጌ ፃኣፒንቴይ? ኔ ናባባዛ ዎዚ ጋዓይ?» ዒዛም ጌዔኔ።

27 ዓሢ ማሃዖ፦ «ዎጋ'' ‹ፆኦሲ ኔ ጎዳሢ ጉቤ ዒናፓ፥ ጉቤ ሼምፓፓ፥ ጉቤ ዎልቃፓ፥ ጉቤ ማሊፃፓ ናሽኬ› ዬያጉዲ ሃሣ ‹ኔ ዓሺኖ ዓዳ'' ኔና ማሂ ናሽኬ› ጋዓኔ» ጌዔኔ። ✝10፥27 ሌዊ. ዓኬ 19፥18፤ ላሚ. ዎማ 6፥5።

28 ዬሱሴያ ፒዜ ኔ ማሄኔ፤ «ዓካሪ ኔኤኒ ዬኖ ጎይፆ ማዼ፤ ናንጊና ናንጊያ ኔ ዴንቃንዳኔ» ጌዔኔ። ✝10፥28 ሌዊ. ዓኬ 18፥5።

29 ዎጎ ዔርዛሢ ጋዓንቴ ፔና ጌኤሺ ዓሲ ማሃኒ ኮዓዖ፦ «ያዺ ማዔቶ ታኣኮ ዓሺናሢ ዖናዳይ?» ጌይ ዖኦጬኔ።

30 ዬሱሴ ዒዛም ማሃዖ፦ «ፔቴ'' ዓሲ ዬሩሳላሜፓ ዒያርኮ ኬዳ''ንቴ ጎይፆይዳ ሱላ ዒዛ ዴንቂ ዓፒሎ ዒዛኮ ቡሪ ዔኪ ጳርቄሢኮ ጊንፃ ሃይቃኒ ሳዛ ጋሽካንቴ ሃሺ'' ዓኣዼኔ። 31 ዒዛ ቶኪጉዲ ፔቴ'' ቄኤሴስኬይ ዬኖ ጎይፄሎና ዓኣዺቤቃ ጳዺንቲ ላቢ''፥ ላሂ ዓኣ ዓሢ ዴንቄያታዖ ዚቲ ጌዒ ዒዛኮ ኮርሳ ዓኣዼኔ። 32 ዬያጉዲ ሃሣ ቄኤሶ ፃጳፓ ማዔ ሌዊ ዜርሢስኬይ ዬኖ ጎይፆና ዓኣዺቤቃ ዬያ ዓሢ ዴንቄዖ ኮርሳ ዚቲ ጌዒ ዴንዴኔ። 33 ፔቴ'' ሳማሪያ ዓጪ ዓሲስኬያ ዬኖ ጎይፆና ዓኣዺቤቃ ጳዺንቴ ዓሢ ዴንቂ ሚጪንታዖ፥ 34 ዓሢ ኮይላ'' ሙኪ ዛይቴ ቲሺና ዎይኔፓ ኮሾ''ና ዑሺና ኪፆይዳ ዓሢኮ ዋሂ ቱርጫና ማሪ ቱኬ''ሢኮ ጊንፃ ፔ ሃሮ'' ቶጊሲ ፔቴ'' ሾኦቺ ዎርቃ ማኣሪ ዔኪ ዓኣዼኔ፥ ዒኢካ ዒዛ ዒ ኮሺ'' ዛጊ ማይሤኔ፤ ✝10፥34 2ካኣቶ''. ማ 28፥15። 35 ዚሮ ጉቴ''ሎ ፔቴ'' ዓሲ ላምዖ ኬሊ'' ማዾ ማዼም ጪጎንዶ ቢራጉዴያ ኬሲ'' ዬኖ ሾኦጮ ዎይሣ ማኣሮኮ ዓዶም ዒንጋዖ ‹ሃያ ዓሢ ታኣም ኮሺ'' ዛጊ ማይሤ፤ ጊዳ'' ቃሲ'' ኔ ዒዛ ዛሎ'' ጪጌ ባኣዚ'' ዓኣቶ ታ ማዒ ሙካዖ ኔኤም ማሂ ጪጋንዳኔ› ጌዔኔ።

36 «ዓካሪ ዬንሢ ሃይሦንሢዳፓ ሱሎ''ና ጳዺንቴ ዓሢም ዓሺኖ ማዔሢ ዎያ ኔኤም ማላይ?» ጌዔኔ።

37 ዎጎ ዔርዛሢ «ዬያ ዒዛ ሚጪንቲ ማኣዴ''ሢሾ!» ጌዒ ማሃዛ፥ ዬሱሴ ማሃዖ፦ «ሂዴቶ ኔኤኒያ ዒማ ጎይፆ ማዼ» ጌዔኔ።