ማርቆሴ 5

35 ዬሱሴ ዬኖ ኬኤዛ ጎይሣ ዓኣንቴ ዒያዒሮሴ ማኣራፓ ኪኢታ ዓሲ ሙኪ፦ «ናዔላ ኔኤኮ ሓይቄሢሮ ማይ ኔኤኒ ዔርዛሢ ዓይጎሮ ላቢ''ሳይ?» ጌዒ ዒዛም ኬኤዜኔ።

36 ዬሱሴ ጋዓንቴ ዬያ ዔያታ ጋዓሢ ዋይዛዖ ዒዛም፦ «ፔቴ''ታዖ ዒጊጪፖ ጉሙርቂሢ ሌሊ ጉሙርቄ» ጌዔኔ። 37 ማዓዛ ዬሱሴ ጴፂሮሴና ያይቆኦቤና ያይቆኦቤኮ ጌርሲ ዮሓኒሴናይዳፓ ዓታዛ ዖኦኒያ ዒዛና ዓኣዻንዳጉዲ ኮይባኣሴ። 38 ዔያታ ዒያዒሮሴ ማኣሪ ሔላ''ዛ ዓሳ ዒኢካ ዲርጊ ዒላቲ ዒላቲ ዬኤካንቴ ዬሱሴ ዛጌኔ። 39 ዒማ''ና ዒዚ ጋሮ ጌላዖ፦ «ሓይ ዲርጋሢና ዬኤፖና ዓይጎሮዳይ? ናዔላ ጊጊንዓንዳፓዓቴም ሓሓይቂባኣሴ» ጌዒ ዔያቶም ኬኤዜኔ።

40 ዓሳ ዒዛኮ ሃይሶ ቦሃዖ ሚኢጬኔ፤ ዬሱሴ ጋዓንቴ ጉቤሢ ዙሎ'' ኬሲ''፥ ናዔሎኮ ዓዶና ዒንዶና ሓሣ ዒዛኮ ሓይሦ ጊንፆ ሓንታ ናኣቶ''ንሢና ዎላ'' ናዔላ ዓኣ ቤዞ ጌሌኔ። 41 ዒዚ ዒዞኮ ኩጮ ዓርቃዖ፦ «ፃሊታ ኩሚ!» ጌዔኔ። ጌይፃ «ዓንቆ፥ ታኣኒ ኔና ዔቄ! ጋዓኔ» ጌይሢኬ።

42 ዬና ናዔላ ታጶ ላምዖ ሌዔ ናይኬ፤ ቤዞማና ዒዛ ዔቃዖ ሴካ ሓንጋ ጌዒ ሓንቲሢ ዓርቄኔ፤ ዬይ ያዺ ማዔ ዎዶ''ና ዓሳ ዛጋዖ ሚርጌና ዲቃቲ ሄርሼኔ። 43 ጋዓንቴ ዬሱሴ ዔያቶም ዖኦማኣ ኬኤዙዋጉዲ ዶዲሺ ላታዖ፦ «ዒዞም ሙዖንዶ ባኣዚ'' ዒንጉዋቴ» ጌዔኔ።