Mateus 14

15 ሳዓ ዓማ''ዛ ዒዛኮ ጊንፆ ሃንታ ናኣታ'' ዒዛ ኮይላ'' ሙካዖ፦ «ሃይ ቤዛ ዓሲ ናንጉዋ ዳውሎ''ኬ፤ ሳዓ ሃሢ ዓሜሢሮ ዴራ'' ሃያ ኮይሎ''ይዳ ዓኣ ጉርዶ ዴንዲ ፔኤኮ ሙዖንዶ ባኣዚ'' ሻንቃንዳጉዲ ዔያቶ ዳኬ» ጌዔኔ።

16 ዬሱሴ ጋዓንቴ፦ «ዒንሢ ዔያታ ሙዓንዳ ባኣዚ'' ዒንጉዋቴ፤ ዔያታ ዴንዶፓ» ጌዔኔ።

17 ዬሱሴኮ ጊንፆ ሃንታ ናኣታ''፦ «ኑኡኮ ሃሢ ሃካ ዓኣዞንሢ ዶንጎ ካሣና ላምዖ ሞሎና ሌሊኬ» ጌዔኔ።

18 ዬሱሴያ፦ «ሂንዳ ዓኣዞንሢ ታኣም ዔኪ ዬዑዋቴ» ጋዓዖ፥ 19 ዴራ'' ቡጫ'' ዴዓንዳጉዲ ዓይሤኔ፤ ዬካፓ ዶንጎ ካሦንሢና ላምዖ ሞሎንሢና ዔኪ ሌካ ጫሪንጮ ባንሢ ዛጊ ፆኦሲ ሺኢቃዖ ካሦ ቡንፂ ዒዛኮ ጊንፆ ሃንታዞንሢም ዒንጋዛ ዔያታኣ ዴሮ''ም ዒንጌኔ። 20 ዬካፓ ቢያሢ ሙዒ ሚሽኬኔ፤ ዓቴ'' ዶምቦ ዒዛኮ ጊንፆ ሃንታዞንሢ ታጶ ላምዖ ዼኤፒ ሌማቴ ኩሙሢ ዔኬኔ። 21 ዬያ ካሦ ሙዔ ዓሳ ላኣሎና ናኣቶ''ና ፓይዲንቲባኣንቴ ዓቲንቃ ሌሊ ዶንጎ ሺያ ዓሲ ማዓያኬ።