14 "Ka tata te rā nui o Ihowā,

ka tata, nui atu te hohoro,

arā te reo o te rā o Ihowā;

nui noa atu te tangi o te mārohirohi i reira.

15 He rā riri taua rā, he rā mamae,

he pāwera, he rā whakangaro, whakamōtī,

he rā pōuri, he mangu,

he rā kapua, he pōuri kerekere;

16 ko te rā ia o te tētere,

o te whakaoho mō ngā pā taiepa,

mō ngā taumaihi tiketike.

17 "Ka mamae anō i ahau ngā ngākau o ngā tāngata,

ka rite rātou ki te matapō ina haere,

mō rātou i hara ki a Ihowā;

ka ringihia ō rātou toto ānō he puehu,

ō rātou kikokiko ānō he paru.

18 E kore anō tā rātou hiriwa, tā rātou kōura,

e tau hei whakaora i a rātou

i te rā o tō Ihowā riri.

Engari, ka pau te whenua katoa i te ahi,

arā i tōna hae;

ka ohorere hoki, ka poto i a ia

ngā tāngata katoa o te whenua."