35 Khan Zebedee naite ngai James le John Jesu deng anhonga. Anmani ning anleiti, <<Oja, keini sik angmikhat nanatho pesik kinmonom.>>
36 <<Khawa khachu angmi?>> Jesu ning anmanideng aleirakal.
37 Anmani ning anleimasang, <<Narengram kulur nakhan nareng kin-ongna chunga nikin ong kar, keini inni inkhat nachangteng khan inkhat nawoiteng nini min-ong sik a kinmonom.>>
38 10:38 Lk 12:50 Jesu ning anmanideng aleiti, <<Nangni ning ninini kha nangni ning jetmuk chu. Keining ki-in sik pongna hai kha nangni nin-intor sik mi? Kei baptized kotho anga nangni nintho tor sik mi?>>
39 <<Kintor sik,>> tia anleimasang.
Jesu ning anmanideng aleiti, <<Nangni ning kei ki-in hai kha nin in sik khan kei baptized katho anga nintho sik e. 40 Takkha kei kachangteng le kawoiteng kin-ong nasik kadangna khachu keining tormang. Hiwa mun hichu Pathien ning anompe mi ngaideng ape sik e.>>
41 Alak thiemroi som ngaikha khawa chongkha anjet karra, James le John chunga anrang nom je. 42 10:42 Lk 22:25,26Khawa jarra Jesu ning ankholo tal amadeng akoi-a aleiti, <<Jat-lop waikaron kin-e akiti ngai khaning anmi ngai chunga ranak annei, khana lamkakei ngai num pui kutuk a ranak annei. 43 10:43 Mat 23:11; Mk 9:35; Lk 22:26 Kha achang inum, nangni karra chu kha imak. Ninkarra inkhat ning akalok achang nom inchu, alak ngaiseng sok anchang sik e; 44 khan ninkarra inkhat ning ma akei nom inchu, mi rikip sok achang sik e. 45 Ajarchu Miring Sapa kha ama sepa minthosik akahong imak; mikatamtak ngai sepa thosik le katansuok sik aringkho kape sik a akahong e.>>
Jesu ning mitkacho Bartimaeus amindam
(Mat 20:29-34; Lk 18:35-43)