Marcos 10

Jesu ning mitkacho Bartimaeus amindam

46 Khan anmani ning Jericho kutung anheiwa, khan Jesu le ama thiemroi ngaile mipuingaile kinroi a Jericho ria anhongsouk lai, Timaeus Sapa Bartimaeus mitkacho kutkodopa kha lampui kolla alei kin ong. 47 Nazareth Jesu a-e ti ajet karkhan, ama aka-ong aphut je, <<Jesu! David Sapa! Kei niminreng ro!>>

48 Mi katamtak ning anlei ren khan a-om chen nasik anleiti. Tak amaning rasa kusuokdet a alei ong, <<David Sapa, kei niminreng ro!>> aleiti.

49 Jesu ning alei ngir a aleiti, <<Heikoi ru.>>

Khawa jarra anmani ning mitkachopa kha anlei koi. <<Rokpui ro! Kinding ro, amaning nang anakoi hi.>>

50 Amaning apon aheikalek a, ahei kinchomma, khan Jesu deng aheiwa.

51 Jesu ning aleirakal. <<Angmo nangsik a kei ninimin thonom?>>

<<Oja, Kei kimit kumunom nok,>> tia amit kachopa khaning aleimasang.

52 Jesu ning amadeng aleiti, <<Setro,>> <<Nataksen khaning nang animindam e je.>>

Khawa laitak khan amaning amit aleimu a khan lampui a Jesu nuk aleijui je.