Marcos 11

Theichang kung ri-a kinchuna

20 Jingteng ma, anmani lampui a anse lai, theichang kung kha anleimu. Khawakha arujung kutung a aleichar je. 21 Peter ning omchen akosuok kha amindon na Jesu deng aleiti, <<Oja, Enro, nahakser theichang kung kha achar je!>>

22 Jesu ning anmanideng aleimasang, <<Pathien taksen na nei ru. 23 ✝11:23 Mat 17:20; 1 Cor 13:2Keining akidiktak kiniril pe e, atu-tu inum hiwa chingbung hi kinphuk inlang tui-ongpui lai-a tanasik chong ape a khan amulung kei-chi o na neilei-a, takkha aril na chung a asuok nger sik tia akataksen mi khadeng akintho sik e. 24 Khawa jarra kini minjet e: nangni ning Pathien nina ninnei a angmikhat ninni karra, kinmu je tia taksen ru, khan ninni rikip ngaikha akinpe sik e. 25 ✝11:25 Mat 6:14,15Khan ningir a Pathien deng nina ninnei karra, marwan na akaom Ninpa khaning nintho thel ngairikip ana rangai mindam nasik a, atumi inkhat chung a mulung hoimak na ninnei rikip kha rangai mindam ru.>>*11:25 Manuscripts alek a alam 26 akinchal: Milak ninrangai mindam mak inchu, marwan a akaom ninpa ning nangni thothel na ngai rangai mindam nape noning (Mat 6:15 a anri)