2 Koriniti 2:14-17

Mā te Karaiti Tātou e Wikitōria ai

14 Nā, me whaka­whetai ki te Atua e mea tonu nei i a mātou kia whaka­mana­mana i roto i a te Karaiti, e whaka­atu nei mā roto i a mātou i te hā o tōna mātau­ranga i ngā wāhi katoa. 15 He kakara pai hoki mātou nō te Karaiti ki te Atua, i runga i te hunga e whaka­ora­ngia ana, i runga anō i te hunga e whaka­ngaro­mia ana. 16 Ki tētahi he kakara nō te mate ki te mate; ki tētahi he kakara nō te ora ki te ora. Ā, ko wai e tau mō ēnei mea? 17 Kāhore hoki mātou e pērā i te toko­maha e whaka­tūtūa nei i te kupu a te Atua; engari he pērā i tā te pono, he pērā i tā te Atua, e kōrero ana mātou i te aro­aro o te Atua i roto i a te Karaiti.