1 Ko te rua tēnei o āku puka­puka, e ōku hoa aroha, ka tuhi­tuhia atu nei ki a koutou; hei whaka­oho taua rua i ō koutou hine­ngaro tini­hanga­kore kia mahara. 2 Kia mahara ai koutou ki ngā kupu i kōrero­tia i mua e ngā poro­piti tapu, ki tā mātou hoki, ki tā ngā āpō­toro a te Ariki, a te Kai­whaka­ora. 3 Ko tēnei tā koutou e mātau ai i te tua­tahi, tērā e puta mai ētahi kai­whaka­manu­manu i ngā rā whaka­mutu­nga, e haere ana i runga i ngā rite­nga o ō rātou hia­hia ake, 4 e mea ana, "Kei hea te kōrero o tōna haere­nga mai? Mau tonu hoki ngā mea katoa nō te moenga rā anō o ngā mātua, pērā tonu me tō te oroko­hanga­nga." 5 Nā rātou tonu i whaka­kūware ki tēnei, nā te kupu a te Atua ngā rangi i mua, me te whenua anō tōtoka tonu i roto i te wai, nā te wai anō hoki. 6 He huri­hanga nā ēnei i ngaro ai i te wai te ao o tērā wā. 7 Ko ngā rangi onāia­nei ia me te whenua, he mea rongoā nā taua kupu rā anō, he mea waiho mārire mō te ahi, ina taea te rā o te whaka­wā­kanga, o te whaka­ngaro­manga o ngā tāngata karakia­kore.

8 Kei kūware ia koutou, e ōku hoa aroha, ki tēnei mea kotahi, ki tā te Ariki he rā kotahi rite tonu ki ngā tau kotahi mano, ngā tau kotahi mano rite tonu ki te rā kotahi. 9 Kāhore he whaka­roa o te Ariki ki tāna kupu whaka­ari, kāhore e rite ki tā ētahi e kī nei he whaka­roa; engari e manawa­nui ana ki a tātou, kāhore ōna whaka­aro mō te tangata kia ngaro; engari kia tae katoa ki te rīpe­netā.

10 E puta mai hoki te rā o te Ariki ānō he tāhae i te pō; ko reira pahemo atu ai ngā rangi, tōna nui hoki o te tangi; nā, ka ngiha ngā mea tīma­tanga i te ahi, ka rewa; ā, pau ake i te ahi te whenua me āna mahi. 11 Heoi, mō te rewa nei ēnei mea katoa, kia pēhea rā he tikanga mā koutou i runga i te whaka­haere tapu, i te kara­kia; 12 me te tū­mana­ko, me te tākare anō koutou ki te taenga mai o te rā o te Atua, e rewa ai ngā rangi i te ahi, e ngiha ai ngā mea tīma­tanga, e memeha ai? 13 Heoi, kei te tū­mana­ko tātou ki ngā rangi hou, ki te whenua hou, ki tāna i whaka­ari mai ai, kei reira te tika e noho ana.

14 Mō konei rā, e ōku hoa aroha, i a koutou ka tū­mana­ko nā ki ēnei mea, kia puta tō koutou uaua kia roko­hina e ia i runga i te rangi­mārie, tē whai ira, tē whai koha i tōna aro­aro. 15 Kia mahara anō ki te manawa­nui o tō tātou Ariki, he whaka­ora; ko te mea hoki ia i tuhi­tuhia ki a koutou e tō tātou teina aroha, e Paora, he mea i rite tonu ki te mātau­ranga kua hōmai nei ki a ia. 16 I pērā anō i āna puka­puka katoa, i kōrero­tia hoki ēnei mea ki reira. Kei reira anō hoki ētahi mea he pakeke nei ki te whaka­aro, whaka­wi­ria kētia ake e te hunga kūware, e te hunga kāhore anō i ū; ko tā rātou hanga anō ia ki ērā atu karaipi­ture, ā, ngaro iho rātou.

17 Nā, e ōku hoa aroha, ka mātau wawe nei koutou ki ēnei mea, kia tūpato kei kā­hakina atu koutou e te hē o te hunga kino, kei taka atu, kei kore e ū. 18 Engari kia neke ake i runga i te aroha noa, i te mātau­ranga o tō tātou Ariki, arā, o te Kai­whaka­ora, o Īhu Karaiti. Waiho atu i a ia te korōria, āia­nei, ā ake tonu atu. Āmine.