1 Nā, he mea tēnei nā mātou ki a koutou, e ōku tēina, mō te taenga mai a tō tātou Ariki, o Īhu Karaiti, mō tō tātou hui­hui­nga atu anō ki a ia; 2 kei hohoro te rurea o ō koutou hine­ngaro, kei oho­rere rānei i tā te wairua, i tā te kupu, i tā te puka­puka rānei e kīa ana nā mātou, e mea ana kua tae tonu mai ināia­nei te rā o te Ariki. 3 Kei tini­hanga­tia koutou i tētahi mea e te tangata. E kore hoki e tae wawe mai, kia mātua tae mai te taka­nga atu, kia whaka­kitea mai anō hoki te tangata o te hara, te tama a te whaka­ngaro. 4 He hoa­riri nei ia, e whaka­kake ana i a ia ki runga ake i ngā mea katoa e kīa ana he Atua, e karakia­tia ana; kia noho ai ia i te whare tapu o te Atua, kia whaka­atu ai i a ia ko ia te Atua.

5 Kāhore rānei koutou e mahara i ahau anō i a koutou, i kōrero­tia e ahau ēnei mea ki a koutou? 6 Nā, ka mātau koutou ināia­nei ki te mea e ārai ana, kia whaka­kitea mai rā anō ia a tōna tāima. 7 Nō te mea kei te mahi ināia­nei te mea huna o te kino, otirā, tērā tētahi kei te ārai ināia­nei, kia whaka­wātea­tia rawa­tia anō ia. 8 Ko reira whaka­kitea mai ai taua tangata kino, e whaka­ngaro­mia e te Ariki ki te hā o tōna māngai, e whaka­kāhore­tia ki te pu­tanga nui o tōna taenga mai. 9 Arā a ia pū, i rite nei tōna taenga mai ki te mahi­nga a Hātana, i runga i te mana, i ngā tohu, i ngā mere­kara teka, 10 i ngā mahi tini­hanga katoa hoki o te hē, i roto i te hunga e whaka­ngaro­mia ana; nō te mea kīhai i riro i a rātou te aroha o te pono, kia ora ai rātou. 11 Mō konei hoki ka tukua atu e te Atua ki a rātou he pōhēhē e mahi ana, kia whaka­pono ai rātou ki te teka; 12 kia tukua ai ki te hē te hunga katoa kāhore i whaka­pono ki te pono, i āhua­reka kē ki te hē.

13 Tika tonu ia kia whaka­whetai atu mātou ki te Atua mō koutou i ngā wā katoa, e ōku tēina e aroha­ina nei e te Ariki, he mea whiri­whiri nā hoki koutou nā te Atua nō te tīma­tanga rā anō mō te ora, i runga i te whaka­tapu a te Wairua, i runga anō i te whaka­pono ki te pono. 14 Ko te mea tēnā i karanga­tia ai koutou e ia, he mea nā tō mātou rongo­pai, arā kia whi­whi ki te korōria o tō tātou Ariki, o Īhu Karaiti. 15 Heoi, e ōku tēina, e tū koutou; kia mau ki ngā whaka­rere­nga iho i whaka­akona ai koutou e te kupu, e tā mātou puka­puka rānei.

16 Nā, mā tō tātou Ariki, mā Īhu Karaiti pū anō, mā te Atua, mā tō tātou Matua, i aroha mai nei ki a tātou, i hōmai nei i te whaka­mārie mutunga­kore, me te mea pai e tūmanako­hia atu nei, he mea­tanga nā te aroha noa, 17 māna e whaka­mārie ō koutou ngākau, māna koutou e whakaū ki runga ki ngā kupu, ki ngā mahi pai katoa.