1 जे को यू विस्वास आय कि यीसु ही मसी आय, उ परमेस्वर से पैदा भयो हैं अऊर जो कुई होन से प्यार रख हैं, उ ओ से भी प्यार रख हैं, जो ओ से भयो हैं।✝ 2 जब हम परमेस्वर से प्यार रख हैं, अर ओ कि आदेस हुन ख मान हैं, ते यी से हम यू जान लेव हैं, कि हम परमेस्वर कि वारिस हुन से प्यार रख हैं। 3 काहे कि परमेस्वर को प्रेम यू आय कि हम ओ कि आदेस हुन ख मान हैं; अर ओ कि आदेस बोझ दायक नी आय।✝ 4 काहेकि जे कुई परमेस्वर से उत्पन्न भयो हैं, उ दुनिया पर जीत प्राप्त करिये हैं; अर उ जीत जे से दुनिया को ऊपर जीत मिल होवा हैं उ हमारो विस्वास हैं। 5 दुनिया पर जीत पावन वालो कोन आय? अकलो उ ही जे को यू विस्वास हैं कि यीसु, परमेस्वर को पोरिया आय।

6 यू ही आय जो पानी अर खून को दुवारा आयो हतो, याने यीसु मसी: उ नी पर पानी को दुवारा याने पानी अर खून दोई हुन ख दुवारा आयो हतो। अर यू आत्मा आय जे गवाह देवा हैं, काहेकि आत्मा सच आय। 7 अर जो गवाह देवन वालो आय, वी तीन गवाह आय। 8 गवाह देवन वाला तीन आय, आत्मा, अर पानी, अर खून; अर तीन हुन एक ही बात पर सहमत हैं। 9 जब हम अदमी हुन कि गवाई मान लेव हैं, ते परमेस्वर कि गवाही ते ओसे बढ़ ख आय यू आय कि ओ न अपनो पोरिया को बारा म गवाई दी हैं। 10 जो परमेस्वर को पोरिया पर विस्वास करिये हैं उ अपनो मन म गवाई रख हैं। जे न परमेस्वर पर विस्वास नी कियो ओ न ओ ख झूटो ठहर हैं, काहे कि ओ न ओ से गवाई पर विस्वास नी कियो जो परमेस्वर न अपनो पोरिया को बारा म दियो हैं।

11 अर उ गवाई यू हैं कि परमेस्वर न हम ख आखरी जिन्दगी दियो हैं, अर यू जिन्दगी ओको पोरिया म आय। 12 जे को नजीक पोरिया आय, ओको नजीक जिन्दगी हैं; अर जे का नजीक परमेस्वर को पोरिया नी हैं, ओखा नजीक जिन्दगी भी नी हैं।

13 मी न तुम ख, जो परमेस्वर को पोरिया को नाम पर विस्वास करिये हैं, एकोलाने लिखो हैं कि तुम जाने कि हमेसा जिन्दगी तुमारी हैं।

14 अर हम ख उ परमेस्वर ओको सामने जो हिम्मत होवा हैं, उ यू आय; कि यदि हम ख ओ कि मर्जी को अनुसार कुछ माँगे हैं, ते उ हमारी सुना हैं। 15 जब हम जानह हैं कि जे कुछ हम माँगह हैं उ हमारी सुनह हैं, ते यी भी जानह हैं कि जो कुछ हम न ओ से मांगो, उ पायो हैं।

16 यदि कोई अपनो भई ख असो पाप करते देखे जे को नतिजा मरनो नी होए, जिन्दगी देगो। पाप असो भी होव हैं जे को नतिजा मरनो हैं; ऐको बारा म मी विनती करन का लाने नी कह हैं। 17 पूरो तरीका को अधर्म ते पाप हैं, परन्तु असो पाप भी आय जे को नतिजा मरनो नी हैं।

18 हम जान हैं, कि जे कुई परमेस्वर से भयो हैं, उ पाप नी करा; पर जो परमेस्वर से भयो हैं, ओ ख उ बचायो रखा हैं, अर उ बुराई ओ ख छून नी सका।

19 हम जान हैं कि हम परमेस्वर से आय, अर पूरो दुनिया ओ ख बुराई को बस म गिरो रवह हैं।

✝ 20 हम यी भी जान हैं कि परमेस्वर को पोरिया आ गयो हैं अर ओ न हम ख समझ दियो हैं कि हम ओ ख सच्चो को पहिचान; अर हम ओ म जे सच्चो आय, याने ओखा पोरिया यीसु मसी म रवह हैं। सच्चो परमेस्वर अर आखरी जिन्दगी यू ही आय।

21 अरे पोरिया हुन, अपनो तुम ख मुरती हुन से बचो रखो।