2 Coríntios 11

पोलुस अर झूठो प्रेरित

1 अदि तुम मोरी थोड़ी सी मुर्खता बात हुन झेल भी लाने ते का ही भलो होए; हाव, मोरी झेल भी ले हैं।✝11:1 उत्पत्ति 3:13; 1 थिस्सलुनीकियो 3:5 2 काहेकि मी तुमारा बारे म ईस्वरीय जोस लगो रह हैं, एकोलाने कि मी न एक ही अदमी से तुमारो बात करी हैं कि तुम ख सुध्द कुंवारी का जसो मसी ख दे दूँ। 3 पर मी डरु हैं कि साँप न अपनी चलाकी से हवा ख बहकायो, वसो ही तुमारा मन हुन वा सीधाई अर सुध्दता हुन से जो मसी ख संग होनू चाहिए, असो नी कि भ्रस्ट नी कियो जाहे। 4 अदि कुई तुमारा नजीक आय ख अऊर दुसरा यीसु को खबर करे ते, जेको खबर हम न नी करियो; या अऊर आत्मा तुम ख मिले, जो पहले नी मिलो हतो; अर कुई सुसमाचार सुनाए जे से तुम न पहले नी मनो हतो, ते तुम ओ ख सहन लेव हैं।

5 मी ते समझू हैं कि मी कुई बात म बड़ो से बड़ो प्रेरित हुन से कम नी हैं। 6 अदि मी इ बखत म अनाड़ी हूँ, तेबी ग्यान म नी। हम न ऐ ख हर बात म सब तरीका से तुमारो लाने परगट करियो हैं।

7 का ऐ म मी न कुई पाप कियो कि मी नी तुम ख परमेस्वर को सुसमाचार फुकट म सुनायो हैं; अर अपनो तुम ख नीचू करियो कि तुम ऊँचो हो जा? 8 जब तुम लोग हुन कि सेवा करन ला लाने मीन दूसरा कलीसिया हुन से भी अपनी जिन्दगी का लाने दान समझा ख मान कि उन ख लूट लियो। 9 अऊर जब मी न तुमारो संग हतो अर मोखा कमी हुई, तो मी न कुई पर वजन नी डालो, काहेकि भई हुन न मकिदुनिया से आ ख मोरी कमी ख पुरो करियो; अर मी न हर बात म अपनो तुम ख तुम पर वजन बनना से रूको रय्हो अर रोकू रहगो। 10 अदि मसी की सच्चाई मोरो म हैं ते अखया प्रदेस म ख कोई मो ख यी घमण्ड से नी रोकेगो। 11 कोके लाने? का एकोलाने कि मी तुम से प्रेम नी करू हैं? परमेस्वर यू जान हैं कि म तुम लोग हुन से कित्तो प्रेम करू हैं।

12 अऊर मी जो करत आय रैयो हूँ, उही कर रैयो हूँ, कि जो लोग मऊका ढूढ हैं उन ख मी मऊका मिल नी दे हैं, काहेकि जी बात म वी घमण्ड करिये हैं, ओमा वी हमारो ही जसो ठहरे। 13 काहेकि असो लोग झूठो चेला, अऊर धोखा से काम करन वाला, अऊर मसी को प्रेरित हुन का रूप धारन करन वाला हैं। 14 यू कोई अचम्भा होन कि बात नी हैं काहेकि सैतान स्वंय भी ज्योतिर्मय स्वर्गदूत को रूप धारन करिये हैं। 15 एकोलाने अदि ओखा दास हुन को धार्मिकता जसो रूप धरो हैं, ते कोई बड़ी बात नी हैं, अर उनको हमेसा तक उनको काम हुन को अनुसार होए।

प्रेरित का रूप म पोलुस को दुख भोग

16 मी फिर कहू हैं, कोई मो ख बेकुप नी समझे; नी ते बेकुप ही समझ ख मोरी सहन ले, काहेकि थोड़ा सा मी भी घमण्ड कर सक हैं। 17 यू बे धड़क घमण्ड म जो कई म कहू हैं, उ प्रभु की आदेस का अनुसार नी पर मानो बेकुप झन ही से कहू हैं। 18 काहेकि बेजा से इंसान सरीर को अनुसार घमण्ड करिये हैं, ते मी भी घमण्ड करू। 19 तुम ते समझदार हो ख खुसी से बेकुप हुन की सह लेव हैं। 20 काहेकि जब तुम ख कोई दास बना लेव हैं, या खा जाव हैं, या फसा लेव हैं, या अपनो तुम ख बड़ो बतानू हैं, या तुमारो मुडा पर थप्पड़ मार हैं, ते तुम सह लेव हैं। 21 मी लज्जा को संग स्वीकार करू हैं कि तुम लोग हुन को संग यी तरीका को व्यवहार करन ख मोखा साहस नी भयो। तुम ऐख मोरी नादानी समझ,

पर जिन बात हुन का बारा म वी लोग डींग मारन को साहस करिये हैं, म भी उन बात हुन ख बारा म उ ईच कर सका हूँ। 22 का वी इब्रानी आय? मी भी आय। का वी ही इस्राएली आय? मी भी हैं। का वी ही अब्राहम को खानदान आय? मी भी हूँ। 23 का वी ही मसी को सेवक आय मी पागल का जसो कहू हैं मी उनसे बढ़ ख हूँ! जादा महेनत करन म; बार-बार जेल जानो म; सोटा खान म; बार-बार मरन को हालत म। 24 यहूदी हुन न मोखा पाँच बार उन्तालीस सोटा*11:24 कोड़ा खायो। 25 तीन बार मी न लकड़ी से मार खाई; एक बार मो पर पत्थर हुन से मार खायो गयो; तीन बार असो भयो कि, जे नाव मी चढ़यो गयो हतो, उ टूट गयो; अऊर एक बार पूरा चोबीस घनटे खुलो समुंदर म इत्ते उत्‍ते बहत रयो एक रात-दिन मी न समुध्द म काटो। 26 मी बार-बार रस्ता हुन म; मोखा नद्दी हुन को जोखिम हुन; डाकू हुन को जोखिम हुन म; अपनो जाति वालो से जोखिम हुन म; दुसरी जात हुन से जोखिम हुन म; सहर हुन को जोखिम हुन म; जंगल को जोखिम हुन जोखिम म समुंदर को जोखिम हुन म; झूठो भई हुन का बीच जोखिम म रयो। 27 मी न बेजा मेहनत करियो अर बेजा सी रात हुन जागते हुऐ गुजारी हैं। मोखा अकसर जोवन ख नी मिल हैं। भूखो अर प्यासो, ठण्ड अर कपड़ा हुन को अभवा यू सब म सहे ते रयो; 28 अऊर दुसरा बात हुन ख छोड़ ख जेको उदाहरन मी नी करू, सब कलीसिया हुन की चिन्ता हर दिन मोखा दबाव हैं। 29 जब कोई की कमजोरी हैं ते का मी ओकी कमजोरी से प्रभावित नी हूँ? जब कोई को ठोकर म पतन होय हैं, ते का मी ऐको तीखा अनुभव नी कर?

30 यदि कुई भी बात पर घमण्ड करनो हैं, ते मी अपना कमजोरी हुन पर घमण्ड करू। 31 प्रभु यीसु मसी को बाप अऊर परमेस्वर जो सदा धन्य हैं। उ जान हैं कि मी झूठो नी कह रयो हैं। 32 जब म दमिस्क सहर म हतो, ते राजा अरितास सेना नायक न मो ख पकड़न ख लाने सहर पर रख वालो रखो हतो, 33 अऊर मी चारदीवाल का खिड़की से होयख बाउनडरी म बैठ ख नीचू उतारो दियो गयो अर यी तरीका ओखा हात से बच निकलो।