2 कुरिन्थियो 5

17 ऐको मतलब यू हैं कि यदि कुई मसी को संग एक आय, ते उ नई दुनिया आय: पुरानी बात हुन बीत गई हैं; देख, सब बात हुन नई हो गई हैं।✝5:17 यसायाह 43:18-19 18 परमेस्वर न यू सब करियो हैं ओ न, मसी को दुवारा अपनो से हमारो मेल झोल कर लियो, अऊर मेल झोल कि सेवा हम ख सोप दियो हैं। 19 ऐको मतलब यी हैं कि परमेस्वर न अदमी हुन का अपराध उनको खात मत लिख ख मसी को अर अपनो से दुनिया को मिले करा अर यू मेल झोल ख बात हुन को जतान को हम ख दियो गयो हैं।

20 एकोलाने , हम मसी को राजदूत आय; मानो परमेस्वर हमारो अऊर विनती कर रय्हो हैं। हम मसी की ओर से विनती कर हैं कि परमेस्वर को संग मेल झोल कर ले।✝5:20 मलाकी 2:7; इफिसीयो 6:10 21 जो पाप से अनजान हतो, ओ ख ही परमेस्वर न हमारो लाने आरोपी हो ख रयो कि हम ओ म हो ख परमेस्वर कि धर्मी बन जाहे।