1 सरदीस की कलेसिया को दूत ख असो लिख:

"जेको जोने परमेस्वर कि सात आत्मा हुन अर सात तारा हैं।" उ असो कहाँ हैं कि मी तोरो सुभाव ख जानू हैं: तू जिन्दो तो हैं पर हैं मरिया। 2 चेत जा! तोमा जो जिन्दगी बाकी बच गई हैं अर खतम होन-होन पा हैं ओखा बचा ख रख; काहेकि मीना तोरा कोई भी काम का अपनो परमेस्वर को जोने पुरो नी देखियो हैं। 3 एकोलाने याद कर कि तुना कसो ग्यान पायो हैं अर कसी सुनी रहा, अऊर उनमा बनो रयो अर मन फिरा। अदि तू चेत ख नी रहन को ते मी चोर को जसो आ जाहूँ, अर तू कभी नी जान सकन को कि कोन घड़ी तोरो जोने आ जाऊँगो। 4 पर हाँ, सरदीस सहर म तोरो इते कुछ अदमी हुन असा भी हैं जिनना अपना कपड़ा खराब नी करीया, वी सुपेत कपड़ा पहिना मोरो संग फिरेगो, काहेकि वी यू लायक हैं। 5 अदि तुम जीत का आहे ते तुमका भी उनको जसो सुपेत कपड़ा पहिनायो जाहे, अऊर मी ओको नाम जीवन की किताब म से कोई भी हालत म नी काटन को; पर ओको नाम मोरो बाप परमेस्वर को जोने अर ओखा स्वर्ग दूत हुन को जोने मान लेहूँ।

6 जेका कान होए उ सुन लेहे कि आत्मा कलेसिया हुन से का बोला हैं।

7 "फिलदिलफिया की कलेसिया को दूत ख असो लिख।"

"जो सुध्द अऊर सच्चो हैं, अर जे दाऊद कि चाबी रखा हैं।" जोका खोलीया वाला का कोई बन्द नी कर सका अर जेका बन्द करीया वाला का कोई खोल नी सका, उ असो बोला हैं की 8 मी तोरा सुभाव का जानू हैं; देख, मीना तोरो लाने एक दुवार खोल का रखियो हैं, जेका कोई बन्द नी कर सका; तोरी सक्ति जरा सी तो हैं, फिर भी तुना मोरो वचन को पालन करियो हैं अऊर मोरो नाम को इनकार नी करयो हैं। 9 देख, मी सैतान का वी प्रार्थना घर सदस्यहुन का तोरो बस म कर देऊगो जो अपनो तुम ख यहूदिया का रहन वाला समझा हैं, पर यहूदी नी हाय अऊर झूट बोला हैं देख मी असो करु कि वी आ ख तोरो पाय हुन पा गीड़ेगो, अऊर वी जान लेहे कि मीना तोसे प्रेम रखो हैं। 10 तुना जो मोरो धीरज रुपी वचन का पकढ़ीयो हैं, एकोलाने मी न भी तोखा परीक्छा को उ बखत बचा ख रखूगो जो दुनिया पा रहन वाला ख परखन को लाने पुरी दुनिया म आन वालो हैं। 11 मी तुरत ही आन वालो हैं; जो कुछ तोरो जोने हैं ओखा पकढ़ ख रख कि कोई तोरो मुकुट छुडा नी ले। 12 जो जीत का आहे ओखा मी अपनो परमेस्वर को मन्दिर म एक खंमा बनाऊँगो; अऊर मी अपनो परमेस्वर को नाम अर अपनो परमेस्वर को सहर एकोमतलब नयो यरूसलेम को नाम, जो मोरो परमेस्वर को जोने से स्वर्ग पर उतरन वालो हैं, अर अपनो नयो नाम ओपर लिखूगो। 13 जेका कान होए उ सुन लेहे कि आत्मा कलेसिया हुन से का बोला हैं।

14 लउदीकिया कि कलेसिया को दूत ख असो लिख।

जो आमीन अर भरोसा को काबिल अऊर सच्चो गवाह हैं, अर परमेस्वर की रचना को मेन कारन हैं, उ असो बोला हैं कि 15 मी तोरा काम हुन का जानू हैं कि तू नाते ठंडो हैं अर न गरम: भलो होतो कि तू ठंडो या गरम होतो। 16 एकोलाने की तू न गरम हैं, न ठंडो बल्कि कुनकुनो हैं, एकोलाने मी तोखा अपनो मुंडो म से उगलन पर हैं। 17 तू असो कहा हैं कि मी धनी हैं अर धनवान हो गयो हैं अऊर मोखा कोई चीज कि किमती नी हाय; अर तू यू नी जानत आय कि तू अभागो अऊर नीच अर कंगाल अर अंधो अर नंगो हैं। 18 एकोलाने मी तोखा सला देऊ हैं कि मोरी बात मान आग म तापायो वालो सोना मोसे मोल ले ला कि तू धनी हो जाय, अर सुपेत कपड़ा लेला की पहिन ख तोखा अपनो नंगोपन कि लाज नी आन कि, अर तोरी आँख म लगान को लाने सुरमा लेला कि तू देखन लग जाय। 19 मी जिन-जिन से प्रेम करु हैं, वी सब ख ड़ाट अर फटकार देऊ हैं; एकोलाने अंधन जसो गरम हो जा अर मन फिरा। 20 देख, मी दरवाजा पर खड़ो हो का खटखटाऊ हैं; अदि कोई मोरो सब्द सुन ख दरवाजा खोलेगो, ते मी ओको जोने भीतर आ ख ओको संग खानो करुँगो अर उ मोरो संग। 21 जो जीत ख आहे ओखा मी अपनो संग अपनी राज गद्दी पर बिठाऊँगो, जसो मी भी जीत ख अपनो बाप परमेस्वर को संग ओको सिंहासन पा बठ गयो। 22 जोका कान होए, "उ सुन लेहे कि आत्मा कलेसिया हुन से का बोला हैं।"