Atos 2

पतरस को प्राचार करनु

14 फिर उन न ग्यारह हुन को संग पतरस खड़ो हुओ उचो सब्द सम्बोधित करते हुआ कहन लगया की यहूदी साधि हुन अर यरूसलेम क पुरा निवासी हुन मोरी बात हुन ख अच्छो से सुन अऊर मो ख ओको अर्थ बतावन दा। 15 जसो तुम लोग समझत रह, यू लोग नसे म नी हैं, काहेकि अभी ते भुनसारो को नव बजिया हैं। 16 बल्कि या वा बात हैं, जेको बारा म योएल भविस्यवक्ता न कहयो हतो:

17 "परमेस्वर कहत हैं कि अन्त क दिन हुन म असो होएगो

कि मी अपनो आत्मा सब जन हन पर उड़ेलेगो,

अर तोरो पोरिया हुन अर तोरी पोरी हुन भविस्यव्दाणी करे

अर तोरो जवान हुन दर्सन देखेगो,

अर तोरो सियाना हुन सपना देखेगो।"

18 हाँ उ दिन म मी अपना दास हुन अर सेविका हुन पर भी

उ दिन हुन म अपन आत्मा म से उँड़ेलूगो,

अर वी भी भविस्यव्दाणी करेगों।

19 अर ऊपर आकास म गजब*2:19 अदभुत को काम

अर नीचो जमीन पर चिखान

अर्थात् खून अर आगी

अर धूआ को बादल दिखाऊँगो।

20 प्रभु को बड़ो अर उजाला वालो दिन को आनो से पहलो सूरज अंधेरा म अर चंदा खून

जसो लाल म बदल जाएगो।

21 अर जे प्रभु को नाम से मदद माँगे

हे ओ ख प्रभु बचाएगो, वी उध्दार पाएगो।

22 "हे इस्राएली हुन लोगो, यू वचन ख सुनायो: यीसु नासरी एक अदमी हतो जेको परमेस्वर की ओर होन को प्रमाण उ सामर्थ्य क काम हुन अर आस्चर्य क काम हुन अर चिखान हुन से प्रगट हैं जे परमेस्वर न तुमरो बीच ओको व्दारा दिखायो जेसे तुम तुम ही जानत हो।" 23 यु अदमी ख परमेस्वर कि पक्की योजना अर पुरो ग्यान को अनुसार तुम ख सोपयो गयो अर तुम न पापी व्यक्ति हुन कि मदद से ओ ख क्रूस प चडायो अर खिल्ला ठुकवायो अर मार डालयो। 24 पर उही को परमेस्वर न माऊत क बंधन हुन से छुड़ाय ख जिलायो; काहेकि यु अनहोनो हतो। मृत्यु म इत्तती सक्ती नी हती कि ओ ख बंधी बनायो रखे वी ओके बस वंस म रय्हे। 25 काहेकि दाऊद ओके विसय म कहत हैं,

मी प्रभु का हमेसा (सर्वदा) अपन सामे देखत रहू

काहेकि वी मोरी दाँया ओर हैं,

ताकि मी डिग नी जाऊ।

26 इही कारन मोरो मन खुसी आय,

अर मोरी जीभ आनन्दित हैं;

अऊर मोरो सरीर भी आसा म जिये।

27 काहेकि तू मोरो जान ख अधोलोक म नी छोड़ेगो;

अर नी अपन सुध्द जन ख सड़न ही देगो।

28 तू न मोखा जीवन को रस्ता दिखायो हैं;

तू मोखा अपन दर्सन ख व्दारा खुसी से भर देगो।

29 "अरे लोगो, मी अपनो कुटुम्ब को दाऊद राजा को बारे म तुम से हिम्मत को संग बोल सकू हैं कि उ ते मर गयो अर गाड़ो गयो अर ओकी कब्रर आज तक हमारो येमा आज तक मऊजूद हैं।" 30 वी एक भविस्यवक्ता हतो अर वी जानत हतो कि परमेस्वर न मोसे कसम को संग म वादा दियो हैं कि वी ओके वंस म से एक ख सिंहासन पर बैठाऊँगो; 31 एकोलाने जे भविस्य मे घटन वाला हैं ओ ख देखत दाऊद न यू कहयो हतो

ओ ख मृत्यु को संसार म नी छोड़ो गयो अर नी ही ओके सरीर का कबर म सड़न रख दियो

ते ओ न मसी की जी उठन मसी का फिर से जी उठन को बारे म कहयो हतो।

32 इही यीसु ख परमेस्वर न जिलाया, अर हम सब बात को गवाह हैं। 33 इ प्रकार परमेस्वर क दाँया हात से सर्वोच्च पद पाय ख, यीसु न पिता बाप से वी सुध्द आत्मा प्राप्त कर ख जेकी वादा (प्रतिग्या) की गई हती, ओ न यू उंडेल दियो हैं जे तुम देखत अर सुनत हो। 34 काहेकि दाऊद ते स्वर्ग पर नी चढ़यो;

पर वी तुम कहत हैं,

प्रभु से कहयो,

मोरो दाँया बैठ,

35 "जब तक कि मी तोरो बैरी हन ख तोरो पाय ताले की चऊकी नी कर दूँ।"

36 ऐको लाने इस्राएल को पुरो घराना हकीगत म जान ले कि परमेस्वर न उई यीसु ख जेखा तुम न सूली पर चढ़ायो दियो हता प्रभु भी ठहरायो अर मसी भी ठहरायो हतो।

37 तब सुनन वाला हुन क मन छिद गया अर वी पतरस तथा अर प्रेरित हुन से पूछन लगियो, "हे भई हन, हम क करे?"

38 पतरस न ओसे कहयो, "मन फिराओ, अर अपना पाप हुन माफी पान को लाने तुम म से हर एक ख यीसु मसी क नाम से बपतिस्मा लेनू चहिए; अर तुम ख परमेस्वर को सुध्द आत्मा को वरदान मिलेगो। 39 काहेकि यू प्रतिग्या (वादा) तुम, अर तुम्हरो बच्चे हन, अर उ सब दूर-दूर ख लोग हुन क लियो भी हैं जेको प्रभु हमार परमेस्वर अपन नजीक बुलाएगो।"

40 अर पतरस न ढ़ेर सारो से वचन हुन को व्दारा उनना गवाह दी अर आग्रह को संग ओसे से कहयो या वंसावली ख अपनो तुम से बचायो रखो, 41 अर बेजा सारे लोग हुन ओको सन्देस सुन ख उन न भरोसा करियो अर उन उ ख बपतिस्मा दियो गयो यु तरीका उन को समूह म अनदाजन तीन हजार लोग हुन जुद गया।