João 11

लाजर की माऊत

1 मरियम अर ओकी बहिन मार्था को गाँव बैतनिय्याह को लाजर नाम को एक अदमी बीमार हतो। 2 या वा वाली मरियम हती जोना प्रभु पर इतर डाल ख ओको पाय हुन ख अपनी बाल चोटी से पोची रह, एको ही भई लाजर बीमार हतो। 3 एकोलाने ओकी बहिन हुन न यीसु खबर भेजियो, "अरे प्रभु, देख जसो तू प्रेम करत रह, उ बीमार हैं।"

4 यू सुन ख यीसु न कहयो, "या बीमारी माऊत कि नी; पर परमेस्वर कि बड़ाई करन को लाने हैं, कि ओको दुवारा परमेस्वर को पोरिया की इज्जत होये।" 5 यीसु मार्था अर ओकी बहिन अर लाजर से प्रेम रखत रह। 6 फिर भी जब ओ ना सुनो कि उ बीमार हैं, ते जे जगा पर उ हतो, ओमा दो दिन अऊर ठहर गयो। 7 एको बाद ओ ना चेला हुन से कहयो, "आव, अपुन फिर यहूदिया ख जाहें।"

8 चेला हुन न ओसे कहयो, "अरे गुरू, अबा बाई तो कुछ रोज पहले यहूदी तोरो ऊँपर पत्थर मारन को लाने होत रह, अऊर का तू फिर भी उते जाय हैं?"

9 यीसु न जवाब दियो, "का दिन का बारा घंटा नी होवा? अदि कोई दिन म चले ते डच नी खावा, काहेकि यू दुनिया को उजियारा देखा हैं। 10 पर अदि कोई रात म चले ते डच खावा हैं, काहेकि रात म उजेरो नी रहवा हैं।" 11 ओ ना या बात बोली, अऊर एको बाद उनसे बोलन लग गयो, "हमारो दोस्त लाजर सो गयो हैं, पर मी ओखा जागान ख जाऊ हैं।"

12 तब चेला हुन न यीसु से कहयो, "अरे प्रभु, अदि उ सो गयो हैं ते अच्छी हो जाहे।"

13 यीसु न तो ओकी माऊत को बारे म यू बोल्यो रह, पर वी समझीया कि ओ ना नींद से सो जान को बारे म कहयो। 14 तब यीसु न उनसे साफ-साफ कह दियो, "लाजर मर गयो हैं;