यूहन्ना 11

21 मार्था न यीसु से कहयो, "अरे प्रभु, तू यहाँ होतो, ते मोरो भई नी मरतो। 22 अर अब भी मी जानु हैं कि जो कुछ तू परमेस्वर से माँगे, परमेस्वर तोखा देहेगो।"

23 यीसु न ओसे कहयो, "तोरो भई फिर से जिन्दो होय ख उठे।"

24 मार्था न ओसे कहयो, "मी जानु हैं कि आखरी दिन म फिर से जिन्दो उठन को दिन म उ जिन्दो उठेगो।"

25 यीसु न ओसे कहयो, "फिर से जिन्दो करन वालो अर जीवन मीइच ही आय जो कोई मोपर भरोसा करा हैं उ अदि मर भी जाहे तेभी जिन्दो होयगो, 26 अर जे कोई जिन्दा हैं अर मोरो ऊपर भरोसा करा हैं, उ कभी नी मरन को। का तू या बात पर भरोसा करा हैं?"

27 ओ ना ओसे कहयो, "हाँ प्रभु, मी भरोसा करू हैं कि तू ही परमेस्वर को पोरिया मसी जो संसार म आनवालो हतो।"