João 12

यरूसलेम म जीत की खुसी आनो

12 दुसरो दिन, ड़ेर सारा इंसान हुन न जो तिहार म आया हता असो सुनो कि यीसु यरूसलेम म आ रयो हैं। 13 एकोलाने उन ना खजूर कि डगियान हुन लियो अर "ओकी महेमा करन को लाने निकलिया, अर आवाज देन लग्या, होसाना धन्य हैं इस्राएल को राजा, जो प्रभु को नाम से आवा हैं।"

14 जब यीसु का गदही को एक बच्चा मिलो; ते उ ओपर बठ गयो, जसो ग्रंथ म लिखो हैं,

15 "अरे सिय्योन सहर,

मत डरा; देख,

तोरो राजा गदही को बच्छा पर बठ ख आवा हैं।"

16 यीसु का चेला हुन या बात पहले नी समझीया हता, पर जब यीसु कि महिमा परगट भई ते उनका याद आयी कि या बात ओको बारे म लिखी हती रह अर इंसान हुन न ओसे आसो तरीका से व्यवहार करो रह।

17 तब भीड़ का वी अदमी हुन न गवाई दियो, जे वा बखत ओको संग म हता जब ओ ना लाजर का मरघट म से बुला ख मरो म से जिन्दो करो रह 18 एको लाने अदमी हुन ओसे मीलन को लाने आया हता काहेकि उन न सुनो हतो रह कि यीसु यू बड़ो चिन्ह दिखायो हैं। 19 यू सब देख ख फरीसी हुन न आपस म बोल्यो, देख रया हैं न, "तुम से कुछ नी बन सका। देखो, दुनिया ओको पिछु होते जावा हैं।"