João 21

तिबिरियास झील को किनार म चेला हुन ख दिखई देनु

1 या बात हुन को बाद यीसु न अपनो तुम ख तिबिरियास झील को किनार म फिर से अपना चेला ख दिखई दियो यू असो तरीका से भयो 2 समोन पतरस, अर थोमा जेखा दिदुमुस बोला हैं, अऊर गलील को काना नगर को नतनएल, अर जबदी को पोरिया, अर ओखा चेला हुन म से दो अऊर झन इकट्ठा हता। 3 समोन पतरस न उनसे कहयो, मी मच्छी पकड़न ख जा रयो हैं। उनना ओसे कही,

"हम भी तोरो संग चला हैं।" एकोबाद वी नाव पा चढ़ीया, पर वा रात कुछ नी पकड़ीयो। 4 भुनसारो होत ही रहा कि यीसु किनार पर आका खड़ो भयो; तेभी चेला हुन न नी पहिचानियो कि यू यीसु आय। 5 तब जा ख यीसु न उन से कहयो, "अरे पोरिया हुन, का तुमारो जोने जरासी (थोड़ी) मच्छी हुन हैं?"

उन ना जवाब दियो, "नी हाय।" 6 उनसे कही, "नाव को सिधो हात बाजू जाल ड़ालनू ते मिले।" एको बाद उन ना जाल ड़ालो, अर मच्छी ढ़ेर सारी होन को कारन ओखा खीच नी सक्या।

7 एकोबाद उ चेला न जसो यीसु प्रेम रखत रह हतो, पतरस से कहयो, "यू तो प्रभु आय!" समोन पतरस न यू सुन ख कि "उ प्रभु आय!" कम्मर म अंगोछा कस लियो, काहेकि उ नंगो हतो, अर झील म कूद पड़ीयो। 8 पर दुसरा चेला ड़ोगी या नाव पर मच्छी हुन से भरीयो वालो जाल खीचते-खाचते लाया, काहेकि वी किनार से जादा दुर की जगह पर नी हता, पर थोडी कुछ दुर दो सव हात पर हता। 9 जब वी वा जगह की किनार पर उतरियो, ते उन ना कोयला कि आग अर ओपर मच्छी धरी, अर रोटी देखी। 10 यीसु न उन से कहयो, "जे मच्छी हुन तुम न अब्बी पकड़ी हैं उनमा से कुछ लाव।"

11 ते समोन पतरस न ड़ोगी पर चढ़ ख जाल किनार म खीच लायो ओमन एक सव तिरेपन बड़ी मच्छी हुन हती अऊर इत्ती मच्छी हुन होनो पर भी जाल नी फटीयो।